Popular Bible Verses from Wiwitan 22

Share

Panggonan kuwi dijenengké karo Abraham: GUSTI sing nyawiské. Awit sangka kuwi nganti sepréné ana tetembungan: Ing gunungé, GUSTI bakal nyawiské.

Préntahé Gusti Allah: “Anak lanang sing ora ana tunggalé, sing kok trésnani, ya kuwi Isak, gawanen menyang tanah Moria, ing kono pasrahna digawé kurban obongan ing sakwijiné gunung sing bakal Tak duduhké marang kowé.”

Tembungé mulékat: “Kowé aja matèni anak kuwi, lan aja diapak-apakké! Awit saiki Aku ngerti yèn kowé ngajèni marang Gusti Allah, nganti kowé ora éman masrahaké anakmu lanang sing ora ana tunggalé marang Aku.”

Abraham nyauri tembungé: “Kanggo tyempé sing bakal digawé kurban obongan kuwi Gusti Allah déwé sing bakal nyawiské, anakku!” Mengkono wong loro terus mlaku bebarengan.

mulané kowé bakal Tak berkahi nganti lubèr lan turunanmu bakal dadi okèh banget nganti kaya lintang-lintang ing langit lan kaya wedi ing pinggiré segara, lan turunanmu bakal ngenggoni kuta-kutané mungsuhé. Uga awit sangka turunanmu kuwi sakkèhé para bangsa ing bumi bakal pada kaberkahan; awit kowé wis ngrungokké tembung-Ku.”

Sakwisé lelakon mau Gusti Allah terus njajal pertyayané Abraham. Tembungé mengkéné: “Abraham.” Semauré Abraham: “Kula Gusti.”

Nanging mulékaté GUSTI terus mbengok marang Abraham sangka langit: “Abraham! Abraham!” Semauré Abraham: “Kula GUSTI!”

Mulékaté GUSTI mbengok ping pindoné marang Abraham sangka langit, tembungé: “Aku sumpah kanggo AKU déwé, mengkéné tembungé GUSTI, awit kowé nglakoni sing mengkono kuwi, nganti ora éman masrahaké anakmu sing ora ana tunggalé marang Aku

Sakwisé pada tekan ing panggonan sing dipréntahké karo Gusti Allah, Abraham terus nggawé mesbèh ing kono, kayuné terus ditata, Isak dibanda lan ditumpangké ing mesbèh ing sak nduwuré kayu.