Popular Bible Verses from मत्ती 25

Share

ताह़लू मैं जेह्ड़ा राजा ऐ, तिन्हां जो जवाब दिंगा, ‘मैं तुहां नैं सच्च ग्लांदा ऐ कि तुहां जेह्ड़े मेरे इन्हां लोक्के ते लोक्केयां चेलेयां च कुसी इक्की सौगी कित्ता, सैह़ समझा मिन्जो सौगी कित्ता।’

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

क्जोकि जिस कुसी अल्ल ऐ, तिसियो होर दित्ता जाणा; कने तिस अल्ल मता होई जाणा, अपर जिस अल्ल नीं ऐ, तिसते सैह़ भी, जेह्ड़ा तिस अल्ल ऐ, लेई लेआ जाणा।

इसतांई जागदे रेह्आ, क्जोकि तुहां मेरे बापस ओणे दे दिने दे तिस बग्ते जो नीं जाणदे।

क्जोकि जाह़लू मैं भुखा था, कने तुहां मिन्जो खाणे जो दित्ता, जाह़लू मैं प्यासा था कने तुहां मिन्जो पाणी पियाया; जाह़लू मैं परदेसी था, कने तुहां मिन्जो अपणे घरैं ठैहराया

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू भी बड़ी थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

जाह़लू मैं नंगा था, कने तुहां मिन्जो कपड़े लौआये; जाह़लू मैं बमार था, कने तुहां मेरा सकशांत लेआ, जाह़लू मैं जेला च था कने तुहां मिन्जो नैं मिलणा आये।’