Popular Bible Verses from लूका 8

Share

अपर जेह्ड़े बीई खरिया जमीना दे सैह़ माणु हन, जेह्ड़े वचनां जो सुणी करी भले कने खरे मने च सम्भाल़ी करी पक्के बसुआसी बणदे हन।

जेह्ड़े बीई झुड़ां बसुन्टां च पैयो हन, एह़ सैह़ माणु हन, जेह्ड़े वचन सुणदे तां हन, अपर गांह चली करी फिकर, कने धन, कने ज़िन्दगिया दे सुख विलासे च फंसी जांदे हन, कने तिन्हां दा फल़ नीं पकदा।

चट्टाना दे बीई सैह़ माणु हन, जेह्ड़े वचन तां सुणदे हन, कने ताह़लू खुसी नैं वचने जो ग्रहण भी करदे हन, अपर जड़ ना पकड़णे दिया बज़ाह ते थोड़ी देर तां बसुआस रखदे हन, अपर परीक्षा दे बग्त भटकी जांदे हन।

ताह़लू यीशुयैं तिन्हां नैं ग्लाया, “तुहां दा बसुआस कुत्थू था?” अपर सैह़ डरी गै कने हरान होई नैं अप्पु च ग्लाणा लग्गे, “एह़ कुण ऐ जेह्ड़ा तफान कने पांणिये दियां लैहरां कने दुष्टआत्मां जो भी हुक्म दिंदा ऐ, कने सैह़ तिसदा हुक्म मनदे हन?”

रस्ते पर पैयो बीई सैह़ माणु हन, जिन्हां वचन तां सुणेया; अपर ताह़लू सैतान आई करी तिन्हां दे मने दे वचनां जो चुक्की लेई जांदा ऐ, कि इआं ना होयैं कि सैह़ बसुआस करी नैं उद्धार पाई लैन।

क्जोकि जेह्ड़ा कुच्छ भी छुपेया ऐ सैह़ हमेसा छुपेया नीं रैंह्गा, क्जोकि जेह्ड़ा कुच्छ भी गुप्त च ऐ, सैह़ हमेसा गुप्त नीं रैंह्गा।

जाह़लू तिन्नै जणासा दिख्या कि मैं लुक्की नीं सकदी, तां कम्मदी होई तिसदेयां पैरां च पेई नैं सारेयां लोकां जो दस्सेया कि तिन्नै कुसा बज़ाह ते तिसियो छुत्या, कने किंआं तौल़ी खरी होई गेई। यीशुयैं तिसा जो ग्लाया, “बच्चा, तेरे बसुआसैं तिज्जो खरा कित्ता ऐ, खुसिया नैं चली जा।”

ताह़लू चेलेयां बक्खे आई करी यीशुये जो जगाया, कने ग्लाया, “मालक। मालक। अहां डुबी चलेयो हन।” ताह़लू तिन्हीं उठी करी तफाने कने पांणिये दियां लैहरां जो झिड़केया कने सैह़ रुकी गै कने सांत होई गै।