Popular Bible Verses from लूका 6

Share

तुहां दिंगे, तां तुहां जो भी दित्ता जांगा। लोक तुहां जो पूरे नापे नैं जिक्की-जिक्की करी कने हलाई-हलाई करी कने चूंड लगाई नैं तुहां दिया गोदिया च पांगे, क्जोकि जिस नापे नैं तुहां नापदे हन तिस नापे नैं तुहां तांई भी नापेया जांगा।”

भला माणु अपणे मने दे खरे भण्डार ते खरियां गल्लां कड्डदा ऐ, कने बुरा माणु अपणे मने दे बुरे भण्डारे ते बुरिआं गल्लां कड्डदा ऐ; क्जोकि जेह्ड़ा मने च भरोया हुंदा ऐ सैई तिसदे मुँऐ च निकल़दा ऐ।

अपर अपणे दुश्मणा नैं भी प्यार रखा, कने भलाई करा कने भिरी पाणे दी उम्मीद नीं रखी करी उधार देआ। कने तुहां तांई बड़ा बड्डा प्रतिफल़ हुंगा, कने तुहां परम प्रधान परमात्मे दे बच्चे हुंगे, क्जोकि सैह़ तिन्हां बुरे माणुआं पर दयाबान ऐ, जेह्ड़े धन्यावाद नीं करदे।

जिंआं तुहां दा पिता परमात्मा दयाबान ऐ, तिंआं ई तुहां भी दयाबान बणा।

“दोस मत लगा, तां तुहां पर भी दोस नीं लगाया जांगा। कुसियो दोसी मत बणा, तां तुहां भी दोसी नीं बणाया जांगा। माफ करा, तां तुहां जो भी माफ कित्ता जांगा।

“अपर मैं तुहां सुणने आल़ेआं जो ग्लांदा ऐ, कि अपणे दुश्मणा नैं भी प्यार रखा; जेह्ड़े तुहां नैं बैर रखगे, तिन्हां दा खरा करा। जेह्ड़ा तुहां जो श्राप दैं, तिन्हां जो आसीष देआ; जेह्ड़ा तुहां दा अपमान करैं, तिन्हां तांई प्रार्थना करा।

कने जिंआं तुहां चांह़दे हन कि माणु तुहां सौगी करन, तुहां भी तिन्हां सौगी तिंआं ई करा।

जेह्ड़ा तुहां दिया इक्की खाखा पर चपेड़ मारे तिसदे गांह दूईआ खाखा भी करी देआ; कने जेह्ड़ा तेरी कमरी लैणां चांह़दा ऐ, तिसियो कुरता लैणे ते भी मत रोक। जेह्ड़ा कोई तिज्जो ते मंगे, तिसियो दे, कने जेह्ड़ा तेरी चीज्ज खोई लैं, तिसते मत मंग।

“कोई भी खरा रूख नकम्मा फल़ नीं दिंदा, कने ना तां कोई नकम्मा रूख ऐ जेह्ड़ा खरा फल़ दिंदा ऐ।

हर इक्क रूख अपणे फल़े ते पणछुंदा ऐ; क्जोकि माणु झाड़ियां ते धूड़े नीं तोड़दे कने ना झड़बेरी ते अंगूर।