Popular Bible Verses from लूका 14

Share

“जे कोई मेरा चेला बणना चांह़दा ऐ, अपर सैह़ अपणे बुढ़े, माँऊ, लाड़ी, बच्चेयां, भाऊआं, बैह्णी, कने अपणे प्राणा नैं सबते जादा प्यार रखदा ऐ, सैह़ मेरा चेला नीं बणी सकदा

जे कोई भी मेरा चेला बणना चांह़दा ऐ, तां सैह़ अपणे दुखां दिया सूल़िया चुक्की नैं मिन्जो पचांह़ चली औयें।

क्जोकि जेह्ड़ा कोई अपणे आप्पे जो बड्डा बणांगा, सैह़ छोटा कित्ता जांगा; कने जेह्ड़ा कोई अपणे आप्पे जो छोटा बणांगा, सैह़ बड्डा कित्ता जांगा।

इस तरीके नैं तुहां च जेह्ड़ा कोई अपणा सब कुच्छ छड्डी दैं, सैह़ मेरा चेला बणी सकदा ऐ।

“तुहां च कुण ऐ जेह्ड़ा घर बणाणा चांह़दा ऐ, कने पैहल्लैं बेई नैं हसाब कताब ना करैं कि पूरा करणे तांई मिन्जो धन दौलत अल्ल ऐ, कि नीं। कुत्थी इआं ना होयैं कि जाह़लू सैह़ घरे दी नीआं पाई लैं अपर घरे जो त्यार नीं करी सकैं, तां सारे दिक्खणे आल़े एह़ ग्लाई नैं तिसदा मजाक करणा ऐ, ‘एह़ माणु बणाणा तां लग्गा अपर त्यार नीं करी सकेया?’

अपर जाह़लू तू धाम दिंगा तां गरीबां, डुडेयां, लटेयां, कने अन्नेयां जो भी सद्दी लेआं। ताह़लू तू धन हुंगा, क्जोकि तिन्हां अल्ल तिज्जो बदला दैणे तांई कुच्छ नीं ऐ, अपर तिज्जो धर्मियां दा जिन्दे होणे पर इसदा प्रतिफल़ मिलगा।”

“लूण तां इक्क खरी चीज्ज ऐ, अपर जे लूणै दा लूणकापन चली जां तां सैह़ कुसा चीज्जा नैं लूणका कित्ता जांगा। सैह़ ना तां जमीना तांई ना तां खादी तांई कम्म ओंदा ऐ तिसियो तां माणु बाहर सट्टी दिंदे हन, जेह्ड़े समझी सकदे हन, तिसियो ध्याने नैं सुणन कने मन्नी भी लैन।”