Popular Bible Verses from लूका 12

Share

मेरे बापस ओणे तिकर तुहां दा त्यार रैहणा जरूरी ऐ; क्जोकि जिस बग्त दे बारे च तुहां सोचदे भी नीं, तिसी बग्त मैं माणुये दा पुत्तर बापस आई जांगा।”

अपर परमात्मे दे राज्जे दी खोज करदे रेह्आ तां एह़ चीज्जां भी तुहां जो मिल्ली जागियां।

कने तिन्हीं तिन्हां नैं ग्लाया, “चौकन्ने रेह्आ, कने हर किस्मां दे लालचे ते अपणे आप्पे जो बचाई रखा; क्जोकि कुसी दी ज़िन्दगी तिसदिया धन-दौलता दिया बढ़तिया नैं नीं हुंदा।”

क्जोकि जित्थु तुहां दी धन दौलत ऐ, तित्थु तुहां दा मन भी लगेया रैंह्गा।

तुहां च कुण ऐ, जेह्ड़ा फिकर करी नैं अपणिया उम्रा च इक्क घड़ी भी बधाई सकदा ऐ?

भिरी यीशुयैं अपणे चेलेयां नैं ग्लाया, “इसतांई मैं तुहां नैं ग्लांदा ऐ, अपणिया ज़िन्दगिया दे बारे च एह़ फिकर मत करा, कि अहां क्या खांगे; ना अपणे सरीरे दी फिकर कि क्या लगांगे।

परमात्मा तुहां दिया ज़िन्दगिया दी हर इक्की गल्ला दा ध्यान रखदा ऐ, ऐत्थु तिकर तिन्हीं तुहां दे सिरे दा इक्क-इक्क बाल़ गिणेयां ऐ, इसतांई डरा मत, तुहां मतिआं चिड़ियां ते बधी नैं हन।

“हे भेड्डां साइआं झुंड, मत डर; क्जोकि तुहां दे पिता परमात्मे तुहां जो राज्ज दैणे दी दया कित्ती ऐ।

कोगलेयां पर ध्यान देआ, सैह़ ना तां बांदे हन, ना बडदे; ना तिन्हां अल्ल भण्डार कने ना तां पेड़ू हुंदा ऐ; तमी परमात्मा तिन्हां जो पाल़दा ऐ। तुहां दी कीमत इन्हां पंछियां ते भी जादा ऐ।”

कने तुहां इसा गल्ला दी फिकर मत करा, कि क्या खाणा कने क्या पीणा ऐ, कने ना शक करा।

इसतांई जे परमात्मैं दरबड़े दे घाऐ जो इतणा छैल़ बणाया ऐ, जेह्ड़ा अज्ज ऐ कने कल तिसियो अग्गी च फूकदे हन, भिरी भी सैह़ तिसदा इतणा जादा ध्यान रखदा ऐ। तां हे बेबसुआसियो तुहां दा सैह़ इन्हां ते भी जादा ध्यान रखगा।

कुच्छ भी ढकेया नीं, जेह्ड़ा कुआड़ेया नीं जांगा, कुच्छ भी छुपेया नीं ऐ, जेह्ड़ा सामणै प्रगट नीं कित्ता जांगा।