Popular Bible Verses from लूका 10

Share

सुणा, मैं तां तुहां जो सर्पां कने डंग्गुआं जो चिल़णे दा, कने सैतान जेह्ड़ा तुहां दा दुश्मण ऐ, तिसदिया सारी सामर्थी पर हक्क दित्या ऐ; कने कुसा भी चीज्जा ते कोई नकसान नीं हुंगा।

प्रभुयैं तिसा जो जवाब दित्ता, “मार्था, हे मार्था तू मतिआं गल्लां दी फिकर करदी कने घबरांदी ऐ। अपर इक्क गल्ल जरूरी ऐ, कि मरियमा अप्पु तांई खरी जगाह चुणी लेई ऐ जेह्ड़ा तिसाते कोई खोई नीं सकदा।”

तिन्हीं जवाब दित्ता, “तू प्रभु अपणे परमात्मे नैं अपणे सारे मने कने सारे प्राण कने अपणी सारी सक्तिया कने अपणी सारिया अक्ला दे सौगी प्यार रख, कने अपणे प्ड़ेसिये नैं अप्पु साइआं प्यार रख।”

यीशु तिन्हां नैं ग्लाणा लग्गा, “मते खेत पकी गियो हन, अपर मजदूर घट हन; इसतांई खेत दे मालके नैं विणती करा कि सैह़ अपणे खेतां दिया फसला जो बड्डणे तांई होर मजदूर घल्ली दैं।

ताह़लू यीशुयैं तिसते पुछया, “हुण तेरिया समझा च जिस माणुये जो डाकुआं पकड़ेया कने लुटी लेआ था, तिन्हां त्रीनां च तिसदा प्ड़ेसी कुण होएया?” तिन्हीं ग्लाया, “सैई जिन्हीं तिस पर दया कित्ती।” यीशुयैं तिस नैं ग्लाया, “जा, तूमी एह़ ई कर।”

जा; दिक्खा, मैं तुहां जो भेड्डां साइआं भेड़ियां दे बिच्च घल्लदा ऐ।