Popular Bible Verses from यूहन्ना 19

Share

कने जाह़लू यीशुयैं सैह़ सिरका चखेया, तां ग्लाया, “हुण सब कुच्छ पूरा होएया।” कने सिरे लटकाई नैं प्राण छड्डी दित्ते।

इसते बाद यीशुयैं एह़ जाणी नैं कि हुण सब कुच्छ पूरा होईया, इसतांई कि पवित्रशास्त्रे दा ग्लाया वचन पूरा होयैं, तां तिन्हीं ग्लाया, “मैं प्यासा ऐ।”

जाह़लू यीशुयैं अपणिया माँऊ, कने तिस चेले जो जिस नैं सैह़ प्यार रखदा था बक्खे खड़ोत्यो दिख्या तां अपणिया माँऊ नैं ग्लाणा लग्गा, “हे नारी, दिक्ख, एह़ तेरा जागत ऐ।” ताह़लू तिन्हीं तिस चेले नैं ग्लाया, “सुण, एह़ तेरी माँ ऐ।” कने तिसी बग्त सैह़ चेला तिसायो अपणे घरेयो लेई गेआ।

अपर जाह़लू यीशु अल्ल आई नैं दिख्या कि सैह़ मरिया ऐ, तां तिसदियां लत्तां नीं तोड़ियां। अपर इक्की सपाईयें बरछे नैं तिसदी पसली बिन्नी, कने तिस च ताह़लू ई खून कने पाणी निकल़ेया।

एह़ गल्लां इसतांई होईयां कि पवित्रशास्त्रे च जेह्ड़ा लिख्या था सैह़ पूरा होयैं, “तिसदी कोई हड्डी नीं तोड़ी जांगी।” भिरी इक्क होर जगाह पर एह़ पवित्रशास्त्रे च लिख्या ऐ; “जिसियो तिन्हां बिन्नेया ऐ, तिस पर तिन्हां दी नजर हुंगी।”

ताह़लू सपाई यीशुये जो लेई गै, कने सैह़ अपणिया सूल़िया चुक्की नैं तिसा जगाह तिकर बाहरेयो गेआ, जिसा जो खोपड़ी दी जगाह कने इब्रानी भासा च गुलगुता ग्लांदे थे।

कने सपाईयां कन्डेयां दा मुकट बणाई नैं तिसदे सिरे पर रखी दित्ता, कने तिसियो बैजनी कपड़े लौआई दित्ते