Popular Bible Verses from यूहन्ना 1

Share

अपर जितणेयां तिसियो अपनाया, तिन्हीं तिन्हां जो परमात्मे दी औलाद होणे दा हक्क दित्ता, मतलब तिन्हां जो जेह्ड़े तिसदे नांऐ पर बसुआस रखदे हन।

सारी सृष्टिया दे सुरू होणे ते पैहल्ले वचन था, कने सैह़ वचन परमात्मे सौगी था। कने सैह़ वचन परमात्मा था।

जोत्ती नेहरे च चमकदी ऐ, कने नेहरा जोतिया जो नास नीं करी सकेया।

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

कने परमात्मैं सब कुच्छ तिसदे जरिये बणाया गेआ ऐ, कने जेह्ड़ा कुच्छ बणाया गेआ ऐ, तिस च कोई भी चीज्ज तिसदे बिना नीं बणियो। तिस च ज़िन्दगी थी कने सैह़ ज़िन्दगी सारे माणुआं जो जोत्ती दिंदी थी।

दूँये दिने यूहन्ने यीशुये जो अपणे अल्ल ओंदे दिक्खी नैं ग्लाया, “दिक्खा एह़ परमात्मे दा मेम्ना ऐ जेह्ड़ा अपणा बलिदान देई करी संसारे दे पापां जो अप्पु ऊपर लेई लैंदा ऐ

सैह़ संसारे च था, कने संसार तिसदे जरिये बणाया गेआ, अपर संसारे दे लोकां तिसियो नीं पणछैणया। सैह़ अपणे लोकां च आया अपर तिसदे अपणेयां तिसियो नीं अपनाया।

सच्ची जोत्ती जेह्ड़ी हर इक्क माणुये जो लौ दिंदी ऐ, संसारे दे लोकां च अपणे आप्पे जो प्रगट करणे आल़ी थी।

इसतांई कि परमात्मे व्यबस्था तां मूसा दे जरिये दित्ती, अपर तिन्हीं अनुग्रह कने सच्चाई यीशु मसीह दे जरिये दित्ती।