Popular Bible Verses from प्रेरितां दे कम्म 5

Share

ताह़लू पतरसैं कने होरनी प्रेरितां जवाब दित्ता, “माणुआं दे हुक्मे ते बधी करी परमात्मे दे हुक्मे दा पालण करणा ई अहां दा फर्ज ऐ।

सैह़ हर रोज मंदरे च कने घर-घर जाई नैं सिक्षा दैणा लग्गे, कने प्रेरित इसा गल्ला दा सुसमाचार सणाणे ते नीं रुके कि यीशु ई मसीह ऐ।

ताह़लू पतरसैं ग्लाया, “हे हनन्याह। सैताने तेरे मने च एह़ गल्ल क्जो पाई कि तू पवित्र आत्मा नैं झूठ ग्लां, कने जमीना दे पैसेयां च कुच्छ अप्पु तांई रखी लै? क्या बेचणे ते पैहल्ले सैह़ जमीन तेरी नीं थी? कने जाह़लू बिकी गेई तां क्या तेरे हक्के च नीं थी? तेरे मने च इस बुरे कम्मे दा बचार किंआं आया? तू माणुआं नैं नीं, अपर परमात्मे नैं झूठ ग्लाया ऐ।” एह़ गल्लां सुणदे ई हनन्याह प्राण छड्डी दित्ते, कने थल्लैं पेई गेआ; कने सारे सुणने आल़ेआं लोक बड़े भरी डरी गै।

इसतांई हुण मैं तुहां नैं सच्च ग्लांदा ऐ, इन्हां माणुआं ते दूर ई रेह्आ कने इन्हां नैं कोई मतलब मत रखा; क्जोकि जे तिन्हां दे कम्म कने मकसद माणुआं दे पास्से ते हन, तां सब कुच्छ खत्म होई जांगा; अपर जे परमात्मे दे पास्से ते ऐ, तां तुहां इसियो कदी भी मिटाई नीं सकदे। कुत्थी इआं ना होयैं कि तुहां परमात्मे नैं भी लड़णे आल़े ठैह़रन।”