Popular Bible Verses from प्रेरितां दे कम्म 3

Share

इसतांई, मने बदला कने बापस परमात्मे अल्ल आई जा कि तुहां दे पाप माफ होई जान, जिसते प्रभु दे सामणै तुहां तांई सांति दे दिन ओन

ताह़लू पतरसैं ग्लाया, “चाँदी कने सोन्ना तां मिन्जो अल्ल ऐ नीं, अपर जेह्ड़ा मिन्जो अल्ल ऐ, सैह़ तिज्जो दिंदा ऐ; यीशु मसीह नासरी दे नांऐ ते उठ कने चल फिर।”

कने पतरसैं तिसदा सज्जा हत्थ पकड़ी नैं तिसियो ठुआल़ेया; कने इकदम तिसदे पैरां कने गोड्डेयां च जोर आई गेआ। कने सैह़ उटकी करी खड़ोई गेआ, कने चलणा फिरणा लग्गा; कने चलदा, कने कूददा, कने परमात्मे दी स्तुति करदा-करदा तिन्हां सौगी मंदरे जो गेआ।

यीशु मसीह दे नांऐ च बसुआसे दिया बज़ाह ते इस माणुये जो जिसियो तुहां जाणदे हन, कने जिसियो तुहां इस बग्त दिक्खा दे हन, ताकत दित्तियो ऐ। एह़ माणु यीशुये दे नांऐ च कने यीशु मसीह च बसुआसे दे जरिये बिलकुल भला चंगा होएया ऐ, जिंआं कि तुहां अप्पु दिक्खी सकदे हन।