Popular Bible Verses from मरकुस 8

Share

किबैकि ज़ुण आपणै प्राणा बै बच़ाणा चाहा सा, तेई सौ गवाणी होर ज़ुण मेरी तैंईंयैं होर मेरै खुशी रै समादै री तैंईंयैं आपणी ज़िन्दगी देला तेइरा प्राण बच़ाला।

अगर कोई मांहणु दुनिया न सैभ किछ़ हासिल केरा सा, ज़ो सौ चाहा ती होर फिरी आपणै प्राणा बै नाश केरा सा ता तेथा रा कि फायदा?

तैबै यीशुऐ च़ेले समेत लोकै री भीड़ बी आपु हागै शाधी होर बोलू, “अगर कोई मूँ पिछ़ै ऐणा चाहा सा ता सौ आपणा सैभ किछ़ छ़ौड़ला होर आपणै दु:ख सौहणै री तैंईंयैं त्यार रौहला।

किबैकि कोई भी मांहणु आपणै प्राणा रै बदलै हमेशा री ज़िन्दगी नी पाई सकदा। अगर कोई एसा व्यभिचारी होर पापी पीढ़ी न मेरै नाँ न होर मेरै वचना न शर्मिया सा ता मांहणु रै बेटै बी, ज़ैबै हांऊँ पवित्र स्वर्गदूता सैंघै आपणै परमेश्वरै री महिमा समेत एला ता तेई बी तिन्हां मांहणु न शर्मिणा।”

तैबै यीशुऐ तिन्हां न पुछ़ू, “होर तुसै कि बोला सी कि हांऊँ कुण सा?” पतरसै ज़वाब धिना, “तू मसीह सा।”