Popular Bible Verses from मरकुस 13

Share

मेरी बजहा न सैभी लोका तुसा सैंघै नफरत केरनी पर ज़ुण आखरी तैंईंयैं धीरज रखला तेई मुक्ति पाणी।”

हेरा, बिऊदै होर प्रार्थना केरदै रौहा; किबैकि तुसै नैंई ज़ाणदै कि सौ बौगत कैबै ऐणा।

ज़ैबै सौ तुसाबै सभा हागै खड़ै केरलै ता पैहलै न फ़िक्र हेरित् केरदै, कि आसा कि बोलणा, पर ज़ो किछ़ तुसाबै तेई बौगतै दसिला, सौहै बोलीत्, किबैकि बोलणु आल़ै तुसै नी ऑथि, परन्तु पवित्र आत्मा सा।

सर्ग होर धौरती नाश होंणै, पर मेरी गैला कैधी नी टलणा।

“तेई ध्याड़ै होर तेसा घड़ी रै बारै न कौसी बै किछ़ नी पता, न स्वर्गा न स्वर्गदूता बै होर न ऐबै मांहणु रै बेटै बै, सिर्फ़ परमेश्वर पिता ज़ाणा सा।

ज़ैबै तुसै लड़ाई होर लड़ाई-झ़गड़ै री अफवाहै रै बारै न शुणलै ता घबराँदै हेरीत्। ऐण्ढा ता होंणा पर हाज़ी आखरी बौगत नी ऑथि।

“तुसै बी बिऊदै रौहा किबैकि तुसै नी ज़ाणदै घौरा रा मालक पता नी कैबै एला। सौंझ़की घेरै, औधी रातियै, मुर्गै री बाँग देणै रै बौगतै होर दोथी झिशा। अगर सौ च़ानक एला ता तुसै ऐण्ढा नी होला कि सौ तुसाबै सुतैदै पाला। ज़ो हांऊँ तुसाबै बोला सा, सौहै सैभी बै बोला सा, बिऊदै रौहा।”

एकी ज़ाति दुज़ी ज़ाति रै खिलाफ़ होर एकी राज्य होरी राज्य रै खिलाफ़ खड़ै होंणा। बोहू सारी ज़ैगा न ज़ौज़री होंणी होर अकाल पौड़नै। ऐ दु:खै री शुरूआत सा।

पर ऐ ज़रूरी सा कि पैहलै सैभी होरी ज़ाति बै खुशी रा समाद शुणाइला।

मेरै नाँ न बोहू सारै लोका ऐणा होर दावा केरना कि, हांऊँ मसीह सा। तिन्हां बोहू बै धोखा देणा।

“आपणै बारै न साबधान रौहा। तिन्हां लोका तुसै कैदी बणाईया अदालतै रै हवालै केरनै होर तुसै तिन्हरै आराधनालय न पीटणै होर मेरी बजहा न तुसाबै तिन्हरै राज्यपाला होर राज़ै सामनै खड़ै होंणा पौड़ना ताकि तिन्हां बै मेरै बारै न दसणै बै मौका मिलणा।

किबैकि झ़ूठै मसीह होर भविष्यवाणी केरनु आल़ै हेरिदै लागणै होर तिन्हां ऐण्ढै नशाण च़मत्कार रिहाणै होर नोखै कोम केरनै होर तिन्हां ते चुनैदै मांहणु भी भरमाणै।

पर तिन्हां दु:खै रै ध्याड़ै न, सूर्य काल़ै होंणा, ज़ोथा प्याशा नी देणा। सर्गा न तारै औल़ना, होर सर्गै री सारी बड़ी शक्ति हिलाइणी।