Popular Bible Verses from मत्ती 18

Share

किबैकि ज़ौखै मेरै नाँ न दूई या त्रा मांहणु कठा होआ सी तौखै हांऊँ तिन्हां सैंघै होआ सा।”

“हांऊँ तुसाबै ऐ भी दसा सा, अगर तुसा मौंझ़ै दूई मांहणु एसा धौरती पैंधै कौसी गैला री तैंईंयैं एक मन होईया प्रार्थना केरलै ता सौ बापू रै धिरै न ज़ो स्वर्गा न सा तिन्हरी तैंईंयैं होंणा।

तैबै यीशुऐ एक शोहरू आपु हागै शाधु होर तिन्हां मौंझ़ै खड़ा केरू, “हांऊँ तुसाबै सच़ बोला सा, ज़ैबै तैंईंयैं तुसै ऐई होछ़े शोहरू सांही नी बणलै स्वर्ग राज्य न नी ज़ाई सकदै।

अगर कोई आपणै आपु बै ऐई बच्च़ै सांही नम्र बणा सा सौऐ स्वर्ग राज्य न सैभी न बड़ा सा।

ज़ुण मेरी तैंईंयैं ऐण्ढै शोहरू बै ग्रहण केरा सा सौ मुँभै ग्रहण केरा सा।”

“हांऊँ तुसाबै सच़ बोला सा, ज़ो किछ़ तू एसा धौरती पैंधै बोनला, तेई स्वर्गा न बोनिणा होर ज़ो तू एसा धौरती पैंधै खोलला तेई स्वर्गा न खोलिणा।

“ज़ैबै तैंईंयैं तुसै पूरै मनै आपणै विश्वासी भाई रै अपराध माफ नी केरलै, ता मेरा बापू ज़ो स्वर्गा न सा, तुसा सैंघै भी तैण्ढाऐ केरना।”

“यीशुऐ भी बोलू, अगर कोई न तुसै पाप करवा सी, ज़ुण मूँ पैंधै बशाह केरा सी, ता परमेश्वरा तुसाबै सख्त सज़ा देणी, भलै सौ मांहणु होछ़ै शोहरू सांही होला, तेइरी तैंईंयैं ऐ भला सा कि एक बड़ा पौट तेई रै गौल़ा न बोनिआ, सौ समुन्द्र न शेटू लोड़ी।

“तुसै कि सोच़ा सी? अगर कौसी मांहणु हागै शौऊ भेड़ा सी, होर तिन्हां न एक भेड़ राहइली ता कि तेई नढ़ीनुऐ भेड़ा छ़ौड़िआ सौ एक भेड़ ढौगा न ज़ाइआ नी तोपणी?