Popular Bible Verses from मत्ती 11

Share

“हे थकै दै होर बोझ़ै लाइया दबुऐ दै लोको मूँ हागै एज़ा मूँ तुसाबै सुख चैन देणा।

मेरै जुगड़ै बै आपु पैंधै लेआ; तैबै मूँ न सिखात् किबैकि मेरा मन कोमल होर दीन सा: तुसाबै बी आपणी तैंईंयैं सुख चैन मिलणा।

किबैकि ज़ो जुगड़ा हांऊँ तुसाबै देंदा लागा सा सौ नरम सा होर ज़ो बोझ़ हांऊँ तुसा पैंधै पाँदा लगा सा सौ हल्का सा।”

“मेरै स्वर्गीय पितै, इन्हां सारी गैला रा अधिकार मुँभै धिना सा। कोई नी ज़ाणदा कि बेटा कुण सा सिर्फ़ बापू ज़ाणा सा होर कोई भी पवित्र बापू बै नी ज़ाणदा सिर्फ़ बेटा ज़ाणा सा। ऐ सिर्फ़ बेटा प्रगट केरी सका सा।

यीशुऐ तिन्हां बै बोलू, “ज़ो किछ़ तुसै शुणदै लागै सी होर हेरदै लागै सी, ज़ाइआ यूहन्ना बै दसा। कि कांणै हेरदै लागै सी, लूलै-लँगड़ै औंढदै लागै होर कोढ़ी ठीक होंदै लागै सी, टाऊँणै शुणदै लागै सी होर मूँऐंदै ज़िन्दै लाऐ सी केरनै। दीन दु:खी बै खुशी रा समाद दसणा लाऊ सा।

अगर तुसै समझ़णा चाहा सी ता, ज़ो मैं बोलू सा तेथा बै ध्याना सैंघै शुणित्।