Popular Bible Verses from यूहन्ना 14

Share

हांऊँ तुसाबै शान्ति देआ सा, ज़ो शान्ति मूँ हागै सा। ऐ शान्ति सौ नी ऑथि ज़ो तुसाबै दुनिया रै लोका देआ सा। तुसरा मन उदास नी हुआ लोड़ी होर न डौरू लोड़ी।

यीशुऐ तेइबै बोलू, “बौत होर सच़ाई होर ज़िन्दगी हांऊँ सा, बिना मेरै ज़रियै कोई बापू हागै बै नैंई जाई सकदा।

“तुसरा मन उदास नी होला, तुसै परमेश्वरा पैंधै बशाह रखा सी होर मूँ पैंधै बी बशाह रखा।

पर मज़त केरनु आल़ा मतलब पवित्र आत्मा ज़ो बापू मेरै नाँ न भेजणा, तेई तुसाबै सारी गैला सिखाणी, होर ज़ो किछ़ हांऊँ तुसाबै बोला सा, तेई तुसाबै याद दिलाणा सा।”

ज़ुणी हागै मेरा हुक्म सा होर सौ तिन्हां बै मना सा सौ मूँ सैंघै झ़ुरी डाआणी सा होर आपणै आपा बै मूँ तेई पैंधै हेरिणा सा।”

मूँ बापू हागै अर्ज़ा केरनी, होर तेई तुसाबै एक सैंघी भेज़णा कि सौ तुसा सैंघै सदा री तैंईंयैं रौहला। मतलब सच़ाई री आत्मा, ज़ुणिबै दुनिया ग्रहण नैंई केरदा, किबैकि सौ तेइबै नैंई हेरदै, होर न तेइबै ज़ाणदै, तुसै तेइबै ज़ाणा सी, किबैकि सौ तुसा सैंघै रौहा सा, होर तेई तुसा न होंणा सा।

ज़ो किछ़ तुसै मेरै अधिकारा न मौंगलै, सौहै मूँ केरना कि बेटै री बजहा न बापू री महिमा होली। अगर तुसै मूँ न मेरै नाँ न किछ़ मौंगलै, ता मूँ सौ केरना।

“अगर तुसै मूँ सैंघै झ़ुरी डाहलै ता, मेरा हुक्म बी मनणा।

मेरै बापू रै घौरा न रौहणै री तैंईंयैं बोहू ज़ैगा सा, अगर नी होंदै ता मूँ तुसाबै बोलणा ती, किबैकि मूँ तुसरी तैंईंयैं ज़ैगा त्यार केरनै री तैंईंयैं ज़ाणा सा।

होर अगर हांऊँ जाईया तुसरी तैंईंयैं ज़ैगा त्यार केरनु, ता तैबै एज़िया तुसा आपणै तौखै बै नेणै, कि ज़ौखै मूँ रौहणा, तौखै तुसा भी रौहणा।

थौमे यीशु बै बोलू, “ओ प्रभु, आसै नैंई ज़ाणदै कि तू कौखै बै ज़ा सा, ता बौत कैण्ढै ज़ाणनी?”