Popular Bible Verses from यूहन्‍ना 4

Share

प्रमात्मां आत्मा हा, ठेरैतांये जरूरी हा कि जैड़ै तसेरी पूजा करन सो आत्मा अतै सच्चाई सितै पूजा करन।”

पर सो टैमं ईणैबाळा हा, बल्कि चली ही आ जैहणै सचै भक्ता पिता रा भजन आत्मा अतै सच्चाई सितै करना हा, क्ओकि परम पिता अपणै तांयें इन्‍नै ही भक्त तोपदा हा।

पर जैडा कोई तैस पाणी थऊँ पिला जैडा मुँ तैसिओ दिणा, तैस फिरी सदा तक त्रिहणै ना रैहणा; पर तैस अक्क अनन्त जिन्दगी तांयें पाणी रा झरना वणी करी नकैन्दै रैहणा।”

यीशुऐ जवाव दिता, “अगर तू प्रमात्मैं रै वरदाना जो जाणदी, ता ऐह भी जाणदी कि अऊँ कुण हा जैडा तिजो ऐह वलु करदा, मिन्जो पाणी पैय्आ, ता तू तैस थऊँ मंगदी, अतै सो तिजो जिन्दगी रा पाणी दिन्दा।”

यीशुऐ तियां सितै बल्लू, “मेरा खाणा ऐह हा कि अऊँ अपणै भैजणै बाळै री इच्छा रै अनुसार चलुँ अतै तसेरै कम्मा जो पुरा करूं।

जनानी तैस सोगी वलु, “हे स्वामी, तिजो बल्लै पाणी भरनै जो ता कुछ भी निय्आ, अतै खूह भी ढूगा; ता फिरी सो जिन्दगी रा पाणी तिजो बल्लै कठी थऊँ आ?

तैहै जनानी तैसिओ बल्लू, “अऊँ जाणदी हा कि मसीह जैसियो ख्रिस्त भी बलदै हिन ईणैबाळा हा; जैहणै तैस ईणा ता असिओ सब गल्ला दसी दिणी।” यीशुऐ तैहा सितै बल्लू, “अऊँ सो ही हा जैडा तिजो सितै बल्लू करदा।”

“अईआ, अक्की मणु जो हेरा, जिनी मेरै सब करूरै कम मिन्जो दस्सी दितै। करखी ऐह ही मसीहा ता निय्आ?”