Popular Bible Verses from लूका 8

Share

लेकन तयार कित्ती दी जमीन उपर दे ओन, जेड़े वचन सुनिऐं पले ते छैल मन च सम्भाले रौंदे न, ते सबर कन्ने फल दिन्दे न।

जेड़े चुड़ीयें च पेदे ओन, जेड़े सुनदे न, लेकन अगें चलीयै चेंता, ते पैसा-तेला, ते जिंदु दे सोख चैन च फसी जनदे न ते उन्दे च फल नेई पकदा।

पत्थर उपर पेदे ओन के जदू ओ वचन सुनदे न, ते खुशी कन्ने वचन गी मन्नी तां लैंदे न, लेकन जड़ नेई पकड़ने दे कन्ने ओ थुड़े चेर तकर बश्वास करदे न ते परिख्या दे बेलै पिछें अटी जनदे न।

पी ओनें उनेंगी आखया, “थुआड़ा बश्वास कुत्थें हां?” लेकन ओ डरी गै ते रांन ओईयै अप्पुं पिछें आखन लगे, “ए कोन ऐ जेड़ा तफान ते पानी गी बी उक्म दिंदा ऐ, ते ओ ओदी मनदे न?”

रस्ते दे कंडै दे ओन, जिन्नें वचन सुनया; ओसलै शतान आईयै उन्दे मन बिचा वचन चुगी लेई जन्दा ऐ के कुतै ऐसा नेई ऊऐ के ओ बश्वास करियै मुक्ति पान ते बची जान।

केछ छपया नेई जेड़ा परकट नेई ऊऐ, ते नां केछ गोप्त ऐ जेसदा पता नेई लगे, ते परकट नेई ऊऐ।

जेलै जनानी ने दिखया के आऊँ छपी नेई सकदी, पी कम्बदे ओई आई ते ओदे पैरें च पेईयै सारे लोकें दे सामने आख्या के मैं कि उसी छुत्ता, ते कियां फोरन ठीक ओई गई। ओनें उसी आखया, “बेटी, तेरे बश्वास ने तुगी चंगा कित्ता ऐ, खुशी कन्ने चली जा।”

ओस बेलै उनै कोल आईयै यीशु गी जगाया, ते आखया, “गुरु! गुरु! अस खत्म लगियै ओना।” पी ओनें उठीयै अंधी गी ते पानी दी पौडें गी चेडकया ते ओ थमी गै ते चैन ओई गीया।