Popular Bible Verses from यूहन्ना 16

Share

मैं ए गल्लां थुआड़े कन्ने एस लेई आखीयां न, के तुसेंगी शान्ति मिलै; दुनिया च तुसेंगी कलेश ओंदा ऐ, लेकन इम्त रखो, मैं दुनिया गी जीती लेत्ता ऐ।”

लेकन जेलै ओ, मतबल सच्च दा आत्मा औग, तां ओ तुसेंगी सच दा रस्ता दसग, किके ओ अपने थमां नेई बोलग, लेकन जे केछ सुनग, उवै बोलग, ते औने आलियां गल्लां तुसेंगी दसग।

ऊन तकर तुसें मेरे नां च केछ नेई मंगया; मंगो, तां थोग तां जे थुआड़ा नन्द पूरा ओई जा।

पी बी आऊँ थुआड़े कन्ने सच्च आखना ऐं, के मेरा जाना थुआड़े लेई अच्छा ऐ, किके जेकर आऊँ नेई जां, तां ओ मददगार थुआड़े कोल नेई औग, लेकन अगर आऊँ जागा, तां उसी थुआड़े कोल पेजी देगा। ते ओ आईयै दुनिया गी पाप ते तार्मिकता ते न्याय दे बारै च ऐसास कराग।

ते इयां गै तुसेंबी ऊन तां गम ऐ, लेकन आऊँ तुसेंगी फेर मिलगा ते थुआड़े मन नन्द कन्ने परी जागन; ते थुआड़ा नन्द कोई थुआड़े कोलां नेई खुस्सी लैग। ओस देन तोस मेरे कोलां केछ नेई पूछगे; आऊँ तुसेंगी सच-सच आखना ऐं, जेकर तोस पिता कोलां केछ मंगगे, तां ओ मेरे नां च तुसेंगी देग।

आऊँ तुसेंगी सच-सच आखना ऐं; के तोस रौगे ते वलाप करगे, लेकन दुनिया खुशी मनाग। तोस बसोस करगे, लेकन थुआड़ा बसोंस नन्द च बदली जाग।