Popular Bible Verses from यूहन्ना 19

Share

जेबे यीशुए से सिरका चाखेया, तेबे बोलेया, “पूरा ऊआ” और सिर चुकाई की प्राण छाडी ते।

इजी ते बाद यीशुए ये जाणी की कि एबे सब कुछ ऊईगा, ताकि पवित्र शास्त्रो री गल्ल पूरी ओ, तिने बोलेया, “आऊँ त्याया ए।”

जेबे यीशुए आपणी आम्मा और तेस चेले खे जेसते से प्यार राखो था, नेड़े खड़े रा देखेया तो आपणी आम्मा खे बोलेया, “ओ जवाणसे, देख, ये तेरा पाऊए।” तेबे तिने चेले खे बोलेया, “ये तेरी आम्मा ए।” तेबे तेसी बखते से चेला तेसा खे आपणे कअरे लयी गा।

पर जेबे यीशुए गे आयी की देखेया कि ये मरी चुकेया रा, तो तिना री खुटिया नि तोड़िया। पर सिपाईया बीचा ते एकी जणे एक बड़छा बखिया रे कुसाया और तेते बीचा ते तेबुई खून और पाणी निकल़ेया।

यो गल्ला तेबे ऊईया, ताकि पवित्र शास्त्रो रा से वचन पूरा ओ, “तेसरी कोई बी आड्डी तोड़ी नि जाणी।” फेर एक ओरी जगा रे ये लिखी राखेया, “जिने से ऊजी राखेया, तिना पाँदे नजर करनी।”

तेबे सेयो यीशुए खे लयी गे। और सेयो आपणा क्रूस चकी की तेसा जगा तक गये, जेतेखे खोपड़िया री जगा बोलो थे और इब्रानिया रे गुलगुता।

सिपाईए कांडेया रा मुकट बूणी की तिना रे सिरो पाँदे राखी ता और तिना खे बैंगणी टाले पईनाए।