Popular Bible Verses from Baefeso 4

Share

Amufwidilane luzyalo, mube batete myoyo akulekelelana, mbubonya mbuli Leza muli Kilisito mbwaakamulekelela anywebo.

Amulibombye, akulitesya akukakatila lyoonse. Mweetelelane muluyando

Mutaambi majwi aajazya bweeme, pele ziindi zyoonse amwaambe majwi aaelede aakonzya kuyaka, kuti boonse aabo baswiilila bagwasigwe.

Amugwisye nduti-luti akunyema, bukali akuzwangana, kutamizyanya akusulana kuli buti koonse.

Nomunyema mutabisyi pe, alimwi zuba litabbili kamunyemede. Mutapi Saatani busena bwakumusunka.

Amuleke bukkale bwanu bwabuntunsi bwakale, bumunyonyoona nkaambo kabusofwaazi bwalucengo. Mizeezo amyoyo yanu ibe mipya. Musame buntu bupya, oobo bwakalengwa mucinkozya ca Leza mubululami bwini-bwini abusalali.

alimwi lukamantano lupa Muuya Uusalala, musoleke kulubamba muluumuno lukuswaanganya.

Lino ngonguwe wakapa zipego kubantu zyakuti bamwi babe batumwa, bamwi babe basinsimi, bamwi babe bakambausi, bamwi babe beembezi, bamwi babe bamayi. Wakacita oobo kuti abambile limwi bantu ba Leza kuti bakamukutaukile akuyaka mbungano iili mubili wa Kilisito. Aboobo kumamanino toonse tuyooba aalukamantano lomwe mukusyoma akuziba Mwanaa Leza. Ndendilyo notuyooyuma akuba aabukkale buzwide bwa Kilisito.

Tatukabi mbuli bana bapepaulwa aluuwo lwanjiisyo zyababeji basiluuni, basowa bantu akucenjela kwabo. Pele kwaambisya tuleelede kwaamba zyabwini muluyando kuti muli zyoonse tukomene muli Kilisito. Walo ngomutwe