Popular Bible Verses from 2 Batesalonika 2

Share

Kutabi muntu uumuunina munzila niiba buti. Nkaambo buzuba oobo kabutanasika, kuyooba buzangi eelyo ndendilyo nayooboneka Sibubi uuyoonyonyoonwa.

Swebo tweelede kulumba Leza lyoonse akaambo kandinywe, nobakwesu, bayandwa a Mwami. Nkaambo Leza wakamusala kuzwa kumatalikilo kuti mufutulwe. Mwakafutulwa nkaambo Muuya Uusalala wakamusalazya eelyo mwakasyoma zyabwini.

Ngonguwe uukazya Leza uulibikka atala azyoonse zyaambwa kuti mbaleza naa zikombwa. Uyoolibikka muŋanda ya Leza, kalyaamba kuti ngu Leza.

Lino Mwami wesu Jesu Kilisito a Leza Taata wakatuyanda, kutuumbulizya, kutupa lulangilo lutamani muluse lwakwe ayumye-yumye myoyo yanu kuti lyoonse kamwaamba akucita ziluleme.

Nkankakaako Leza ncayoolekela kuti zibaboolele zyabucengi zipati akuti basyome zyabubeji.

Lino uunyina mulawo ooyo uyooboola anguzu zya Saatani. Uyoocita zitondezyo amaleele aakubeja. Munzila zyoonse uyoocenga citaambiki aabo bayoonyonyoonwa nkaambo tiibakayanda kutambula akutobela zyabwini zyali kunga ziyoobafutula.

Noliba lino bubi nkobuli, pele cakusisikizya. Sibubi ooyo takonzyi kuyubununwa mane akazwe ooyo uumukasya-kasya.