Popular Bible Verses from 1 Bakolinti 15

Share

Nkaako, nobakwesu bayandika, amuyume mutazungaani pe, amubikke myoyo yanu lyoonse kumilimo ya Mwami nkaambo mulizi kuti milimo yanu yamu Mwami tiili yabuyo pe.

Pele aalumbwe Leza watupa luzundo kwiindila mu Mwami wesu Jesu Kilisito.

Mutacengwi pe, “Mweenda abamineme, anywebo mulaminama.”

Pele muluse lwa Leza ndakaba mbweli sunu, alimwi luse lwakwe kulindime tiilwakali lwabuyo pe. Nkaambo ndakabeleka milimo kwiinda boonse, nikuba boobo teensi ndime, pele nduse lwa Leza luli aandime.

“Yebo lufu, luli kuli luzundo lwako? Yebo lufu, luli kuli lubole lwako?” Lubole lwalufu ncinyonyoono, cipa nguzu kucinyonyoono Mulawo.

Amubone! Ndamwaambila makani aasisidwe. Tatukooyoofwa toonse pe, pele toonse tuyoosandulwa, mukaindi kaniini buyo mukulaba kwaliso, waakulila mweembo. Nkaambo mweembo uyoolila, nkabela bafu bayoobuka amibili iitafwi, eelyo aswebo tuyoosanduka.

Mbubonya mbuli lufu mbulwakaza amuntu, abwalo bubuke bwabafu bwakaza amuntu. Nkaambo mbubonya mbuli bantu boonse mbobafwa mukuti mbana ba Adamu, mbubonya oobo boonse mbobayoobusigwa muli Kilisito.

Nkaambo mubili ooyu uubola uleelede kusanduka kuba uutaboli, mubili ooyu uufwa uleelede kusanduka kuba uutafwi.

Kayi Kilisito uleelede kweendelezya mane Leza akabikke basinkondonyina boonse munguzu zyakwe. Sinkondonyina musyaalizi uyoonyonyoonwa ndufu.