Popular Bible Verses from 1 Bakolinti 12

Share

Muuya ulapa umwi aumwi cipego cakwe kuti muntu ooyo acibelesye mukugwasya boonse.

Lino nywebo nyoonse muli mubili wa Kilisito. Umwi aumwi akati kanu ncizo cawo.

Kuti naa cimwi cizo caciswa, zilaciswa zizonyina zyoonse azyalo. Alimwi cizo cimwi calemekwa zizonyina zyoonse zilasekelela antoomwe.

Muuya ulapa umwi cipego cakukanana cabusongo. Alimwi kuli umwi Muuya nguwenya buyo ulapa cipego cakulaya bamwi. Kuli umwi Muuya ulapa cipego calusyomo lunji kapati. Alimwi kuli umwi Muuya nguwenya buyo ulapa cipego cakuponya. Kuli umwi ulapa nguzu zyakucita maleele, aumwi cipego cakukambauka, aumwi cipego cakuziba zizwa ku Muuya Uusalala azizwa kumbi buyo, aumwi cipego cakukanana misyobo iimbi, aumwi cipego cakupandulula misyobo.

Pele nguwenya Muuya omwe ooyo nguucita zyoonse eezi. Ulaabila muntu umwi aumwi mbuli mbwayanda.

Wakacita oobu kuti kutabi kwaandaana mumubili, pele kuti zizo zyoonse zigwasyanye.

Lino kuli zipego zyaandeene-andeene, pele uuzipa Muuya Uusalala omwe buyo. Kuli nzila zyaandene-andeene zyakubeleka, pele Mwami ngotubelekela ngumwi buyo. Alimwi kuli nguzu zyaandeene-andeene, pele Leza ngumwi buyo uuzibelesya zyoonse mubantu boonse.

Leza mumbungano yakwe wakabikka aaba, kusaanguna batumwa, lwabili basinsimi, lwatatu bamayi, alimwi bamwi mbaasimaleele, bamwi balaponya, bamwi mbagwasyi, bamwi mbeendelezi, bamwi balakonzya kwaamba misyobo iimbi.

Mubili tuujisi cizo comwe pe, pele nzinji.

Pele zizo zyamubili eezyo zilangika kuti tazijisi nguzu, azyalo zilayandika kapati.

Kuti naa mubili woonse niwali liso, ino nitwali kuswiilila buti? Kuti naa mubili niwali kutwi, ino nitwali kununkizya buti? Pele mbubonya mbuli mbokubede, Leza wakabamba zizo mumubili, cimwi acimwi wakacibamba mbuli mbwaakasala. Ino nikwali kuti zizo zyoonse kacili cizo comwe, ino mubili niwali buti?