Popular Bible Verses from Mateo 18

Share

Ke pakuba po bapwila pamo babiji nangwa basatu, monka mu jizhina jami, ne amiwa nji monka mukachi kabo.”

“Kabiji amiwa nemwambila namba, umvwe bantu babiji ba mwi anweba pano panshi baumvwang'ena kintu amba twikilombe, bakebobilakyo kwi Bataata baji mwiulu.

Ponkapo aye waichile kana kacheche ko ajinga, wikemika ne mukachi kabo amba, “Kine nemwambila namba, kana anweba kwaluluka ne kwikala pamo nobe twana twa tucheche ne, kechi mukatwele nangwa pacheche mu bufumu bwa mwiulu ne.

Kabiji awa wipelula pamo nobe kano kaana kacheche, ye yenka mukatampe mu bufumu bwa mwiulu.

Kabiji utambula kamo kaana kacheche biji kano mu jizhina jami, wantambula ne amiwa.

“Kine nemwambila namba, byonse byo mukakasa pano pantanda, kabiji ne mwiulu bikakaswa, kabiji byonse byo mukakasulula pano pantanda ne mwiulu bikakasululwa.

“Mo monka mo bakemuubila Bataata baji mwiulu umvwe ne kwibalekela balongo benu mambo abo mu michima yenu ne.”

Pakuba awa ukatuntwisha kamo pa tuno twana twangitabila, kyamufwainwa aye kumukashila jibwe jikatampe ja kupelapo mu nshingo yanji, akebile najo mu kizhiba.

“Anweba mulanguluka amba ka? Kana muntu uji na mikooko kitoota kimo, palubapo umo, kechi ashe yoya iji makumi atanu na ana ne itanu na ina, kaye mu mitumba na kukeba yewa umo wabuulapo nenyi?