Popular Bible Verses from Luka 6

Share

Panai, ne anweba kikemupewa. Kipimo kyawama, kyo bashindaika, ne kusunkenya kasa kichika, kyo bakemupa mu kyaji kyenu. Mambo kyonkakyo kipimo kyo mupiminako kyo kyo mukapiminwako ne anweba.”

Muntu wawama mu butala bwa bya bunonshi bwa mu muchima wanji usolola byawama, ne muntu mubi naye mu bya bunonshi bwanji bubi usolola bibi, mambo kanwa kamba monka mu kuvula kwa biji mu muchima.

Bino temwai balwanyi benu, ne kwibobila byawama, kabiji panai kwakubula kuketekela kutambulako nangwa kimo ne, ne mfweto yenu ikekala ikatampe, kabiji mukekala ke baana ba Mwine Wakila, mambo aye wibobila lusa babula kusanta ne babi.

Ikalai ba lusa, byonka byo aji wa lusa aye Shenu.

“Kechi muchibe mambo ne, ne anweba kechi bakemuchibilao ne; kuzhachisha ne, ne anweba kechi bakemuzhachisha ne, lekelai mambo, ne anweba bakemulekelao.

“Bino amiwa nemwambila anweba mubena kumvwa namba, temwai balwanyi benu, bobilai byawama aba bemushikwa, peshai boba bemufinga, ne kwibalombelela aba bemumanyika.

Bobilai bakwenu abya byo musaka anweba amba bantu bemubile.

Kabiji ne yewa wakupuma ku jibuta jimo, muleke akupume ne kujikwabo; kabiji ne yewa wakwangata munkukumba wobe, umuleke asende ne mukangyo wobe pamo. Panai ku bonse bemulomba, ne kwiyewa wakwangata bintu byobe kechi wibisake jibiji ne.

“Kafwako kichi kyawama kipanga bipangwa byatama ne, nangwa kichi kyatama kipanga bipangwa byawama ne.

Mambo kichi kyonse bekiyukila ku bipangwa byakyo. Kechi mwapa makuyu ku kichi kya miba ne, nangwa kwapa mang'anzang'anza ku kichi kya mwiiba ne.