Popular Bible Verses from Luka 11

Share

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Ne amiwa nemwambila anweba namba; lombainga mukatambula, kebainga mukekimona, konkoshainga bakemushinkwilako.

Mambo yense ulomba utambula; ukeba naye wikimona; ukonkonsha naye bakamushinkwilako.

Kumvwa aye amba, “Pa kulomba, mwambe amba, “Taata, jizhina jenu jizhile; Bufumu bwenu bufike.

Kabiji mwitulekeleko mambo etu, mambo atweba bene twibalekela bonse betulenga mambo. Kabiji kechi mwitutwale mu lweseko ne.”

Mwitupeko kajo ketu ka pa juba pa juba.

Jiso ye lampi wa mubiji. Kana jiso jobe jijitu ne mubiji wobe yense naye usakwikala mu kyeya; bino umvwe jatama, ne mubiji wobe naye uji mu mfishi.

“Kafwako muntu uba, pa kwambula lampi wamutuula kuntu kwafyamika, nangwa munshi ya kilukwa ne, poso ponka pa kitulwapo lampi amba, batwelamo bamone kyeya.