Tirigi po tungwatu nya idigek bikieng kep dihyei nisurti-nipekti hagom pima lene igyai ipmisop bat nya. Lene timiei gwamti nya ibou poi ingat sop dima yok lo, sop di ubbu ningkom leu api iwak sop di ingon ngakei nya. Gima rino TUHAN pai “Misisindui sut ba, tungwatu nya igyaijo ninno bi. Suar ma yoni imai lewo yoni ne tungwatu di igyaijo ninno rin bi. Hon kep ammani kui lene ide njap nimangti ug ei ari bingwam sratus gom ningot can he ug api imai.” Ei nijam dima kin nijam niabiati bu ne yo di yanjan ndig ngat ingat rin ei dihyeisi dini. Yo dini intun sop di iwak timiei gwamti pima yok him. Yo di yanjan ndig ngat dini inok pinjoi ndig nibon mun cig nya di inyeng jei bibor ei nijam gi nipou dima.