Popular Bible Verses from JƆN 4

Share

Ngafa lɔ a Ngewɔ tawao mahoungɔ nasia ta ngi vɛli ti ngi vɛli ngafaya hu kɛɛ tɔnyɛi.”

Kɛɛ watii lɔ hitima, tawao hitingɔe na, nasia ta Ngewɔ vɛli a tɔnya ta ngi vɛli ngafaya hu lɔ kɛɛ tɔnyɛi, ajifa yee Ngewɔ vɛliblei jisia nyɔkɔ lɔ kɛkɛ lɔlɔma.

kɛɛ numu gbi lekee a njɛi na gboli nya nga fe ngi wɛ, ngi bolohu ɛɛ yaa be; njɛi na nga fe ngi wɛ a wotelɔ a nja waa ngi hu na a ngi gɔ a ndɛvu-ve yɛi, i ngi gɔ a kunafɔ lɛɛvui.”

Yesu i kpɛmboilɔ yɛ, “Kiaa bi yɛ kɔɔlɔ gbɔɔ Ngewɔ a gu a fela gbama kɛɛ numui na i ndenga bi ma yɛ ‘nya gɔ njɛi hu,’ baa ngi vɛlilɔ tawao aa bi gɔlɔ a njɛi na a ndɛvui ve numu wɛ.”

Yesu ndeilɔ ti ma yɛ, “Nya mɛhɛɛi lɔ a nya Kɛkɛ na nya loni ngi liima hindei wiela kɛɛ ngengei na gbɔyɔlaa i feni nya wɛ pieva.

Nyapoi ndeilɔ ngi ma yɛ, “Kenɛi, haka gbi ii bi yeya njɛi lalavaa la tawao njalowɛi hubɔngɔ; ba ndɛvu-ve yɛi ji majɔɔ mi lɔ?

Nyapoi ndeilɔ ngi ma yɛ, “Ngi kɔɔlɔ Ngewɔ Maha Heingɔi lɔ wama; i wangaa, a hindei gbi hugɛlɔ a mue.” Yesu ndeilɔ ngi ma yɛ, “Nya ngi yɛpɛma bi gama, tamia a nge.”

“A wa wu taamɔ yila lɔ i hindei gbi hugɛnga ngi piema wɔɔ. Ngewɔ Maha Heingɔi mia baaa?”