Popular Bible Verses from Maki 2

Share

Naa yuye Yisɔs bi si nɛŋ thɔnthɔŋɔŋ, wundɛ kaaye bindɛ thayiŋ ba dɔma, na “Biya bipethɔy beŋ thimota nda bapuyi woŋ, kɛrɛ bithoonɔy beŋ bina thimo bapuyi woŋ. Yaŋ tha see ka thiya biya bi iŋ yiki bamandiŋ beŋ, kɛrɛ yaŋ see ba bi siyuwo ba bindɛ niyɔ bahakɛŋ beŋ.”

Naa kute Yisɔs ba dɔma na lanɛya ba ka biya beŋ beŋ baŋ abɔyi, wundɛ dome ka wogbɛsinkɔy woŋ, na “Hatiŋ woŋ, yi peniyo hakɛŋ bakɛnda baŋ.”

Awa kɛna gbanthaŋ ntiŋ Yisɔs e tɛpa, na “Malɔkɔ Mahemuwe maŋ yehinuwo ba wuyɔhɔy wu ka wɔmɛti, kɛrɛ wɔmɛti tha yehinuwo ba mɛŋ.

Kɛrɛ naa penke bindɛ biya bibɔyɛ, awa gboŋa yo ka na bindɛ biite bathoonaŋ woŋ ka Yisɔs ka, bindɛ dunkɔy ka banka baŋ ka thinthi e bindɛ buŋunuwa kuwaŋ ka kooye Yisɔs ka. Naa buŋunu bindɛ, bindɛ taye bathoonaŋ woŋ ka muŋoye nama muŋ e bindɛ niŋ fuŋuntande ka buŋunu bindɛ ka.

Yaŋ kɔŋ ni ba beŋ kɔthɔ ba dɔma na wɔ wo dɔma Hati ka Wɔ woŋ kiŋ iŋ mayoho ba pɛniyɛ biya hakɛŋ bakɛnamɛŋ baŋ ka fado.” Awa huna dome ntiŋ wundɛ ka hati lamgba wogbɛsinkɔy woŋ, na “Yaŋ tepe yina, ŋayi ka kɔɔ, huuyuwa muŋoye nda muŋ, e duwa ka banka nda.”

Mbɛ wu yamɛ niyɔ sɔɔnɛya ba yaŋ dɔma ka hati lamgba wogbɛsinkɔy woŋ baŋ, na ‘Yi peniyo hakɛŋ bakɛnda baŋ,’ maa, na ‘Ŋayi ka kɔɔ, awa sɛkitha muŋoye nda muŋ, e yatha’?

Naa kooye biya beŋ ka detha, hati lamgba woŋ ŋaye ka kɔɔ, e sɛkitha muŋoye nama muŋ, e ndɛ kɔ kaa napooŋ. Biya beŋ fooma ni ŋakabanɛ wumandiŋ, e bindɛ thunkunuwa Masaala na e bindɛ dɔma, na “Miŋ bareta hɛ nɔŋ kuta bɛyiniŋ bathakaba nɔŋ baŋ baŋ.”