Popular Bible Verses from Mathiyu 21

Share

Huna mɛnɛ beŋ ni lanɛya, bɛyi o bɛyi ba beŋ thɔnthɔŋɔŋ ka kuraminɛ, beŋ kɔŋ bɛŋ niyiya.”

Yisɔs mɛyiyɛ bindɛ ba dɔma, na “Mɛnɛ beŋ kiŋ iŋ lanɛya e beŋ thana niyɔ haamɛ ba niya lanɛya, beŋ kɔŋ punku niya ba ni yaŋ ka kuyeŋ koŋ koŋ baŋ. Wuŋ ka hɔkɔŋ ka kuyeŋ koŋ kuthɔ, kɛrɛ hali adɔmɛ na beŋ ka kusɛri koŋ koŋ baŋ, na ‘Gbɔnɔkɔ dondo baŋ e yi ka gbantɔkɔ ka mankɔ ka,’ wu kɔŋ punku ba niyɔ.

Awa sɛthɛ ba Yisɔs na ka kɔtɔkɔy baŋ mɛnɛ ba niŋ mahɛŋ baŋ yele thampa ba dɔma, na “Miŋ gbuŋunuwɛŋ wo ŋaye ka bɔnsɔŋ ba ka gbaku woŋ Dauda baŋ. Thaduba tha kiŋ ka wo seeye ka keŋ ku ka Mariki woŋ koŋ. Miŋ gbuŋunuwɛŋ Masaala na wo ka thinthi woŋ.”

Huna dome ndɛ kɛnamɛŋ, na “Wuŋ gbalo ka magbali ma ka Masaala maŋ ba dɔma, na ‘Banka niŋ baŋ ba kɔŋ dɔma na banka ba niye kuraminɛ.’ Kɛrɛ beŋ sikiŋ bɛŋ ka tha ka batuwani nuneke.”

“Tɛpa ka mɛti ba ka kusɛri ku ka Saiyɔŋ koŋ: Detha, gbaku nda woŋ na see kɛnda woŋ, wothathinɔkɔy e ndɛ tutɔ ka mbapu woŋ, iŋ ka hati ka mbapu.”

Huna dome Yisɔs kɛnamɛŋ, na “E beŋ niyeta hɛ nɔŋ karaŋ magbali ma ka Masaala ma tɛpɛ maŋ ba dɔma, na ‘Raka hu baŋino iŋ bathoyini beŋ haŋ, huna see niyɔ raka hu yamɛ nthɔŋ nda niyɔ waŋ ka thoya haŋ. Mariki woŋ na niyɛ wuŋ baŋ, awa bɛyi bathakaba bɛna miŋ ba wuŋ kuta.’

“Huna yaŋ tepe bena, beŋ kɔŋ kanita makooye ma kute beŋ maŋ ba niyɔ ka Hugbakinɛ hu ka Masaala haŋ e mɛŋ dunkuno ka biya bihɛna bi sisi mutiŋ muyɔhɔy. [