Popular Bible Verses from Mak 6

Share

Jizɔs se, “Una lɛ wi go blo na ples we pipul nɔ de.” Plɛnti pipul bin de kam ɛn go so Jizɔs ɛn in lanin bɔy dɛn nɔ bin gɛt chans sɛf fɔ it.

Jizɔs tɛl dɛn se, “Prɔfɛt nɔ gɛt rɛspɛkt nain yon tɔŋ ɛn in fambul dɛnsɛf nɔ rɛspɛkt am, bɔt i gɛt rɛspɛkt na ɔda tɔŋ.”

Wɛn Jizɔs kɔmɔt insay di bot, i mit bɔku pipul de wet fɔ am; Jizɔs sɔri fɔ dɛn, bikɔs dɛn bin jɛs de lɛkɛ ship we nɔ gɛt pɔsin fɔ mɛn dɛn, so i bigin fɔ lan dɛn plɛnti tin.

Bikɔs di pipul dɛn na Nazarɛt nɔ bin biliv pan am, Jizɔs nɔ bin ebul du wɔndaful wok de, pas nɔmɔ we i le an pan sɔm sik pipul dɛn ed, pre fɔ dɛn ɛn mek dɛn wɛl. Jizɔs wɔnda we di pipul dɛn nɔ biliv pan am. Jizɔs go na dɛn vilej we de klos Nazarɛt ɛn lan di pipul dɛn bɔt Gɔd.

Jizɔs tek di fayv bred ɛn di tu fish, i luk ɔp ɛn tɛl Gɔd tɛnki fɔ di fish ɛn bred, dɔn i kɔt kɔt di bred ɛn di fish ɛn gi in lanin bɔy dɛn fɔ sheb gi di pipul dɛn. Ɔlman it te dɛn bɛlful. Wɛn dɛn dɔn gɛda wetin lɛf, i ful twɛlv blay.