Popular Bible Verses from Matyu 9

Share

So i bigin tɔk to in lanin bɔy dɛn. I se, “Dɛn pipul ya tan lɛkɛ plɛnti tin we dɛn plant we dɔn du fɔ kɔt, bɔt di wokman dɛn we fɔ gɛda dɛn ɛn briŋ dɛn kam to Gɔd, nɔ plɛnti. Na dat mek una fɔ pre to Gɔd we na di Masta fɔ sɛn mɔ pipul fɔ kam gɛda dɛn pipul ya ɛn briŋ dɛn kam to am.”

Una go ɛn fɛnɔt wetin dɛn bin min wɛn dɛn rayt na Gɔd in Buk se, ‘Gɔd want mek una sɔri fɔ ɔda pipul ɛn du dɛn gud, i nɔ want dɛn bif sakrifays we una de mek!’ A nɔ kam tɛl dɛn pipul we de du wetin di Lɔ we Gɔd gi Mozis se fɔ chenj dɛn layf, bɔt a kam tɛl dɛn pipul we de pan sin fɔ mek dɛn chenj dɛn layf.”

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Jizɔs yɛri wetin dɛn tɔk, so i ansa dɛn se, “Nɔto dɛn pipul we wɛl fɔ go to dɔkta, na dɛn pipul we sik.

Jizɔs go ɔlɔbɔt na dɛn tɔŋ ɛn vilej, de lan pipul na dɛn Ju mitin os ɛn tɛl dɛn di Gud Nyuz bɔt Gɔd in rul, ɛn i mɛn dɛn pipul we gɛt ɔl kayn sik.