Popular Bible Verses from Matyu 28

Share

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una. Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Di enjɛl tɛl di uman dɛn se, “Una nɔ fred, a no se una de luk fɔ Jizɔs we dɛn bin nel pan di krɔs. I nɔ de ya, i dɔn rayz frɔm di grev, lɛkɛ aw i bin tɛl una. Una kam luk di ples we i bin ledɔm.

Jizɔs se, “Una nɔ fred, una go tɛl mi lanin bɔy dɛn we tan lɛkɛ brɔda to mi fɔ go na Galili, dɛn go si mi de.”

Di bigman dɛn we de mek sakrifays fɔ pipul sin go mit di ɔda Ju bigman dɛn, dɛn ɔl ɛŋ ed, dɔn dɛn gi di soja man dɛn plɛnti mɔni. Dɛn tɔk to di soja man dɛn, dɛn se, “Una fɔ tɛl pipul se, na Jizɔs in lanin bɔy dɛn kam tif di bɔdi na nɛt, we una bin de slip. Ɛn if di gɔvna yɛri bɔt dat, wi go tɛl am se nɔto una fɔlt. Wi nɔ go mek trɔbul mit una.” Di soja man dɛn tek di mɔni, dɛn du wetin dɛn bigman dɛn we de mek sakrifays fɔ pipul sin ɛn di Ju bigman dɛn tɛl dɛn fɔ du. Di wɔd prɛd ɔlɔbɔt to di Ju pipul dɛn ɛn di Ju pipul dɛn biliv am sote naw.