Popular Bible Verses from Matyu 24

Share

Ɛn bikɔs bad go plɛnti mɔ ɛn mɔ, di lɛk we plɛnti pipul gɛt na dɛn at go de lɛs. Bɔt Gɔd go sev ɛnibɔdi we bia sote i day.

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Una go yɛri bɔt wa we de klos una, ɛn dɛn go tɛl una bɔt wa we de fawe, bɔt una at nɔ fɔ kɔt. Dɛn tin de mɔs bi, bɔt di wɔl nɔ go ɛnd yet.

Wan kɔntri go fɛt ɔda kɔntri; wan neshɔn go fɛt ɔda neshɔn; bad aŋri go de na wɔl ɛn di grɔn go trimbul plɛnti say. Ɔl dɛn bad tin de na di fɔs waala dɛn we go fɔdɔm. Wɔs wan dɛn go de biɛn.

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Plɛnti man dɛn go tek mi nem kam, ɛn dɛn go kam se dɛn na di Mɛsaya ɛn dɛn go mek plɛnti pipul ful.

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi. Ɛn da sem tɛm de plɛnti pipul go tap fɔ biliv pan mi. Dɛn go sɛl dɛn kɔmpin, dɛn go et dɛn kɔmpin. Plɛnti prɔfɛt we nɔ de tɔk tru go kam ɛn mek plɛnti pipul ful.

Jizɔs se, “Una tek tɛm mek nɔbɔdi nɔ mek una ful.

So, unasɛf fɔ rɛdi ɔltɛm, bikɔs Mɔtalman Pikin go kam di tɛm we una nɔ mekɔp se i go kam.

“Na dat mek una fɔ waydawek, bikɔs una nɔ no di de we una Masta go kam.

“Bɔt nɔbɔdi nɔ no di de ɔ di awa we dɛn tin ya go bi. Gɔd in enjɛl dɛnsɛf ɛn Gɔd in Pikin insɛf nɔ no di de ɔ di awa, na di Papa in wangren no di de ɛn di awa we dat go bi.

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Di tɛm we Mɔtalman Pikin de kam, pipul go de du lɛkɛ aw dɛn bin de du da tɛm we Noa bin de. Bifo wata bin kɔba di wɔl, ɔlman bin de it ɛn drink; pipul bin de mared. Na dat dɛn bin de pan sote di tɛm we Noa go insay di big bot we i bil, ɛn dɛn nɔ bin no se ren go kam we go mek wata kɔba ɔl di wɔl, pas we di ren kam ɛn wata kam kɔba ɛn kil dɛn ɔl. Na so i go bi we Mɔtalman Pikin go kam.