Popular Bible Verses from Matyu 21

Share

Wɛn una de pre to Gɔd fɔ du sɔntin, i go du am if una biliv se i go du am.”

Jizɔs ansa dɛn se, “If una biliv Gɔd gud fashin, ɛn una nɔ dawt, una go ebul du wetin a dɔn du to dis fig tik ya; ɛn nɔto dat nɔmɔ, una go ebul tɛl dis mawnten se, ‘Kɔmɔt ya, go na di si’ ɛn i go go.

Di pipul dɛn we bin de bifo am ɛn di wan dɛn we bin de fala am bin de ala se, “Mek ɔlman prez Devid in pikin! Mek Gɔd blɛs di wan we i dɔn sɛn fɔ kam tinap fɔ am! Mek ɔlman prez Gɔd!”

I tɛl dɛn se, “Dɛn rayt na Gɔd in Buk se, Gɔd se, ‘Pipul fɔ kɔl mi Os ples fɔ pre,’ bɔt una dɔn tɔn am to ples we tifman de ayd.”

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Jizɔs aks dɛn se, “Una nɔ rid yet wetin rayt na Gɔd in Buk we se, ‘Da ston we dɛn pipul we de bil nɔ tek mek natin, nain dɔn bi di wan we impɔtant pas ɔl di ɔda wan dɛn. Na di Masta mek dat bi, ɛn di tin we di Masta du, so wɔndaful!’

“So a de tɛl una se, ‘Di rayt we una gɛt fɔ mek Gɔd rul una nɔ go bi una yon igen, na dɛn pipul we go du wetin Gɔd want go gɛt am.’ [