Popular Bible Verses from Jɛnɛsis 35

Share

PAPA GƆD tɛl am se, “Mi na PAPA GƆD Ɔlmayti. Bɔn bɔku bɔku pikin we go de ɔlsay na di wɔl. Yu go bi papa fɔ bɔku dɛn neshɔn dɛn, kiŋ dɛn go de insay yu jɛnareshɔn. A go gi yu di land we a bin gi Ebraam ɛn Ayzak, ɛn a go gi am to yu ɛn yu jɛnareshɔn dɛn.”

I se dɛn de kɔmɔt usay dɛn de so fɔ de go Bɛthɛl, usay in de go bil ɔlta fɔ wɔship PAPA GƆD we bin ɛp am di tɛm we i bin de pan trɔbul ɛn we dɔn de wit am ɔlsay we i bin de go.

PAPA GƆD tɛl am se, i nɔ go nem Jekɔb igen, bɔt frɔm da de de in nem na Izrɛl. So PAPA GƆD gi am nem Izrɛl.

So Jekɔb tɛl ɔl dɛn wan we de nain os fɔ trowe ɔl dɛn tin we dɛn kin de wɔship, fɔ was ɛn wɛr klin klos.

PAPA GƆD tɛl Jekɔb se, “Go na Bɛthɛl ɛn go tap de. Bil ɔlta de fɔ wɔship mi we na di PAPA GƆD we bin apia to yu di tɛm we yu bin de rɔnawe pan yu brɔda Isɔ.”

Bɔt i bin de day, so bifo i blo in las blo, i gi in bɔypikin nem Bɛnonay, bɔt in papa in gi am nem Bɛnjamin.