Popular Bible Verses from Jɛnɛsis 27

Share

Mek PAPA GƆD mek ɛnitin we yu put yu an pan bɛtɛ! Mek i gi yu plɛnti it ɛn wayn! Mek bɔku neshɔn dɛn sav yu, ɛn lɛ pipul dɛn baw bifo yu. Mek yu rul oba yu brɔda dɛn ed, ɛn mek yu mama in jɛnareshɔn dɛn ɔl baw bifo yu. Mek swɛ de pan ɛniwan we go swɛ yu, ɛn mek PAPA GƆD blɛs dɛn wan we go blɛs yu.”

Isɔ se, “Dis na di sɛkɛn tɛm we i de ple mi dis trik. Nɔto dat mek dɛn de kɔl am Jekɔb. I dɔn tek mi ples lɛkɛ se in na di fɔs-bɔy-pikin, dɔn naw i dɔn tek mi blɛsin. Papa, nɔn blɛsin nɔ lɛf fɔ mi sɛf?”

Nain Ayzak tɛl am se, “Tin go traŋa fɔ yu na di say we yu go tap, ɛn natin bɛtɛ nɔ go kɔmɔt na di grɔn fɔ yu. We yu fɛt ɛn kil yu go gɛt wetin fɔ it, Yu go de ɔnda yu brɔda as wokman. Bɔt wɛn yu nɔ ebul fɔ bia igen, Yu go kɔmɔt ɔnda in kɔntrol.”

Isɔ tɛl in papa se: “Papa, a nɔ tink se na wangren blɛsin nɔmɔ yu gɛt? Duya blɛs misɛf” So i bigin fɔ kray bak.