Popular Bible Verses from Jɛnɛsis 22

Share

Na dat mek Ebraam gi di ples nem ‘PAPA GƆD go provayd’ Na dat mek di Ibru pipul dɛn pul parebul se, ‘PAPA GƆD go provayd nain mawnten ɔltɛm.’

Nain PAPA GƆD tɛl am se, “Tek yu pikin, yu wangren bɔypikin, Ayzak, we yu lɛk, lɛkɛ yu bɔlyay, kɛr am go na Mɔria, yu fɔ tek am mek sakrifays to mi. Bɔn am pantap wan pan dɛn mawnten we a go sho yu.”

Nain di enjɛl se, “Nɔ du natin to da po pikin, nɔ tɔch am! A dɔn no naw se, yu de fred PAPA GƆD, bikɔs yu gri fɔ sakrifays yu wangren bɔypikin to am. Dat dɔn sho se yu rɛdi fɔ obe PAPA GƆD pan ɔltin.”

Ebraam ansa se, “Na PAPA GƆD insɛf go gi wi di yɔŋ ship.” So dɛn ɔl tu kɔntinyu fɔ waka go.

I prɔmis se i go mek yu jɛnareshɔn bɔku lɛkɛ di sta dɛn na di skay ɛn lɛkɛ sansan na bich. Dɛn go gɛt pawa oba dɛn ɛnimi ɛn dɛn go tek dɛn siti sɛf na dɛn an. Ɔl dɛn ɔda neshɔn dɛn go gɛt blɛsin tru yu jɛnareshɔn bikɔs yu obe am.”

I nɔ tu te afta dat, PAPA GƆD tɛst Ebraam; i kɔl am, “Ebraam!” Ebraam ansa am se, “Yɛs, luk mi!”

nain PAPA GƆD in enjɛl na ɛvin ala, “Ebraam, Ebraam!” Ebraam ansa se, “Yɛs, luk mi.”

PAPA GƆD in enjɛl na ɛvin ala kɔl Ebraam di sɛkɛn tɛm, i se, “PAPA GƆD se in dɔn swɛ to insɛf se i go blɛs yu bikɔs yu gri fɔ gi am yu wangren bɔypikin ɛn nɔ ol am to yusɛf.

We dɛn rich na di ples we PAPA GƆD bin dɔn tɛl Ebraam bɔt, i bil di ɔlta ɛn put di wud de. I tay in pikin ɛn put am fɔ lidɔm pantap di wud na di ɔlta.