Popular Bible Verses from Jɛnɛsis 21

Share

PAPA GƆD blɛs Sera, lɛkɛ aw i bin prɔmis.

PAPA GƆD yɛri di bɔbɔ de kray, nain PAPA GƆD in enjɛl aks Ega se, “Ega, wetindu yu de kray so, nɔ fred. PAPA GƆD dɔn yɛri we di bɔbɔ de kray usay i de. Grap, go es di bɔbɔ ɛn mek i tinap. A go mek in jɛnareshɔn bi wan big big neshɔn.”

I gɛt bɛlɛ ɛn bɔn bɔypikin fɔ Ebraam we Ebraam bin dɔn ol. Di bɔbɔ bɔn di tɛm we PAPA GƆD bin dɔn tɛl Ebraam se i go bɔn.

Sera se, “PAPA GƆD dɔn briŋ laf kam na mi os ɛn ɛnibɔdi we yɛri mɔs laf wit mi.”

Bɔt PAPA GƆD tɛl Ebraam se, mek in nɔ wɔri bɔt di pikin ɛn in mama Ega. PAPA GƆD se mek i du ɛnitin we Sera se, bikɔs na frɔm Ayzak i go gɛt di jɛnareshɔn dɛn we in bin dɔn prɔmis.

PAPA GƆD tɔk igen se, bɔt as Ishmɛl sɛf na ɔda bɔypikin we Ega, di slev gyal bɔn fɔ am, insɛf go gɛt bɔku pikin we dɛnsɛf go bi wanol neshɔn.