Popular Bible Verses from Luka 14

Share

“Mɔgɔ-wo-mɔgɔ nara nde wara, a ti ke mala nna karan-dan la fɔ a wa a kan-kɔ sɔ a na anubɛ a fa la, ala musi anubɛ ala dannu anubɛ a na-kelen-nyɔgɛnu anubɛ a nyɛrɛ fanan.

Mɔgɔ-wo-mɔgɔ min ti a nyɛrɛ-faga-kɔn bi ka bila n kin-gbɛ fɛ, wo ti ke mala nna karan-dan la.

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Yisa ko, “A ye wo nya na le, wole kelen bɛrɛn ti ke mala nna karan-dan la fɔ a wa a ban a bolo-fan bɛɛ la.

“Ni mɔgɛ do ye a fɛ ka san-bɔn sɔ, a si a sigi fɔlɔn ka a lɔn ni a si min nyɔgɔn sara a laban-koe la. Ni a ma wo ma, a wa ban a kurukɛla tumɛ min, a ti ke a labanna. Min bɛɛ si a yen, anu si a mayɛlɛn. Anu si a mayɛlɛn a fɔla ko, ‘Kei kɛ ya bon-sɔɛ dabira kɔnɔ a ma ke a labanna!’

Min fisa, i wa ladiyɛ ladan tumɛ min, bolo-kolɔnnu wo, tonkannɛnu wo, namarɛnu wo, fiyɔnnu wo, i ni wonu denu kele. Ni i ya wonu kele, i si duwɛ sɔrɔn bawo wonu ti ke a yili sarala i la. Mɔgɔ-telennɛnu nawuli tumɛ ka bɔ sayɛ rɔ, Alla si i sara wulɔn-tele.”

“Kɔgɛ kin kɔnɔ ni a diyɛ bɔra a la, a si diya kama tun? A ti fenfen nyinya tun. A ti dugi lamo, a ti a ma, ninki-nyɛ ni dugi lasabati, fɔ ka a lakɛ a rɔ. Ni min si ko nya-yen, a ni a tole masɔ kumɛ kɛ la!”