Popular Bible Verses from Yɔni 19

Share

Yisa ya gbɛɛ wo min nya min, a ko, “Koe bɛɛ ara ban!” A ya a salɛ layigi ka a niyi latenbi a Fa ma.

Wo kɔma, Yisa ya a lɔn ko Alla ara wɔli min bɛɛ di a ma, a ara wo bɛɛ kanbali feu! A ko, “N kan la ara gbala.” A ya wo fɔ alako min sɛbɛnɛ Allata kitabu rɔ, wo ni bɔ-a-la.

Yisa ya a na sɔnɛ yen nyɔ anubɛ a diyana-karan-dan. A ya a fɔ a na ye ko, “N na, ila dan le kɛ la.” Wo kɔma, a ya a fɔ ala karan-dan wo ye ko, “I na le kɛ la.” Ka a dabira wo tumɛ ma, ala karan-dan wo ya Yisa na bi ka ta a la ala bɔn la. A ni ta to a fɛ nyɔ.

Kɔnɔ anu kera Yisa ma tumɛ min, anu ya a yen ko a ara faga, woletɔ anu ma a gbɛlannu takeri. Hali wo, kɛlɛ-dan do ya tanbɛ bi ka Yisa sɔgɔ a tɔnkɔn rɔ. Yele anubɛ yi tugura anu nyɔgɔn fɛ.

Kɛ bɛɛ mara nun alako min sɛbɛnɛ Allata kitabu rɔ, wo ni bɔ-a-la ko, “Hali a kolo kelen ra ti rakeri.” A sɛbɛnɛ fanan ko, “Anu ya ale min sɔgɔ, mɔgɛnu si wo mafɛlɛn.” (Kɛ bɛɛ mara min ya la, wo le ya wo bɛɛ rakaran. A ya min fɔ, wo bɛɛ tonyɛ le. A ya tonyɛ kɛ bɛɛ rakaran alako wo fanan ni dɛnkɛninya.)

Anu bi a gbangbanna kɔlɔma min ma, a nyɛrɛ ya wo duni ka ta a la ha ka ke kan tinɛ min tɔgɛ ko, “Kun-kole.” (A tɔgɛ Hiburu-kan rɔ ko, “Kɔlɔkata.”)

Kɛlɛ-dannu ya mansaya-fulɛ ladan wɔnɛ la ka a don a salɛ la. Anu ya duruki-yalawulan bila a kan na.