Popular Bible Verses from DUKU 4

Share

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena. A ɔ, mbɛ n ni a fɔ mɔ gbu gbɛɛ ye, mbɛ tima che‑a, tima min na mu, Mansa Yataa ɛ a 'a koadia ɔ yian‑da a 'a mɔɛ n na.”

Chɛɛ Chisɔsi ɔ, “Yataa 'a gboo ɔ te, ‘Mɔ ɛ i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

Chɛɛ Chisɔsi ɔ, “Yataa 'a gboo ɔ te, ‘Daun fenɛ dechee ma fenɛ a, min mbe a ma, mɔ gbu ni ma fɔɛ ɔ.’ ”

Chisɔsi ɛ gbɛ ka‑a Chɔdan yii da a, Yataa Nyina ni wan a fɛ gban. A sin, Yataa Nyina chɛ‑a a a ya wan, mbɛ a ben ben‑da a a fuinɛ ɔ

Chɛɛ Chisɔsi ɔ, “Yataa 'a gboo‑a a fɔ wan, a ɔ, ‘I ma i 'a mansa Yataa ɔ siman.’ ”

Sitana‑a a chɛ kɛn chia ɔ chia a, Chisɔsi yiima yan‑da, chɛɛ a ma kun ni, a‑a a to wan nɔ, aan tima dɔ gbɛɛ ko a.

Mbɛ Sitana sɛ‑a a a kɔnkɔ wa kun tɛ, mbɛ a‑a chɛnyɛ n gbɛɛ yian a a dunya chɛ ɔ, bui chɛ bui chɛ wandi a. Mbɛ Sitana ɔ, “N mbe gbasaya be‑a wan i ma chɛnyɛ chɛ gbɛɛ kun ma, a sin, nyan chɛ gbɛɛ dunya chɛ ɔ, ɛ ma‑a i ta an na. N fan ta mu gbɛ an gbɛɛ a, n sin mbe kun fan, n ni a be mɔ ɔ mɔ ma, n toen mu mɔɛ min na. Ni i‑a n fai dechee, chɛ gbɛɛ ɛ ma‑a i ta an na.” Chɛɛ Chisɔsi ɔ, “Yataa 'a gboo ɔ te, ‘Mɔ ɛ i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

Mbɛ Sitana‑a a ya to, mbɛ a ta‑a gbɛ a a Chuusaɛn duu ɔ. Mbɛ a sɛ‑a a a Yataa 'a kata kun tɛ, kaina a yansama wa. Mbɛ a‑a a fɔ a ma, a ɔ, “Ni Yataa 'a denɛ gbu mu i a, tin bɛ duu ma a ka nɛ. Koe min na mu, Yataa 'a gboo ɔ te, a ɔ, ‘Yataa ɛ a fɔ‑a wan a 'a maeka n ye, an ni i kun ma fɛn chɛndɛ chɛ. A ɔ, an mbe an boo si‑a wan i kɔɔ, min mbe a ma‑a, i chenɛ wɛɛ ee tu‑a senɛ a.’ ” Chɛɛ Chisɔsi ɔ, “Yataa 'a gboo‑a a fɔ wan, a ɔ, ‘I ma i 'a mansa Yataa ɔ siman.’ ”