Popular Bible Verses from CHISƆSI 'A SƆ MƆƐ NU 17

Share

A‑a chɛ ma, min mbe a ma, an ni an ya a kan a a. Kɔkɔɛ an mbe a yen‑da wan, ni an‑na an boo mɛmɛ mɛmɛ. Chɛɛ Yataa gbu tena ɔ ma yansan, mmɔ dɔndɔ wɛɛ a.

A‑a mɔ gbu gbɛɛ nyan dunya chɛ ɔ, a bɔ mɔ kaima dɔndɔ gbe an dɔ. Mbɛ a‑a an na fasan dunya chɛ gbɛɛ ɔ ben‑da. A wandi gbu sin fan‑na a ɔ bɛn, mbɛ mɔ gbu n ni ma dunya gbɛɛ ɔ. Mɔɛ n sin mbe kaina min chee an 'na chɛnyɛ n na, a wan‑na a ɔ bɛn to an ma koe a nɔ, an tima chɛ kɔɔ.

Yataa, min‑na dunya a dan, a basan fen kɔ fen na, miin mbe a ɔ, an mu Mansa Yataa a dunya chɛ ɔ ni banda a. A sin mbe ee ma chenɛ a, mɔ gbu ɛ min sɔ a boo a.

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

Mmɔ mu gbɛ buɛ min dɔ Yataa 'a denɛ n na, mmɔ ma mmɔ yii na chii a bɔ nyɔɛ dɔ mende wa koe a. Mbɛ a bɔen mu fenɛ an na, min nyanden mu sanu ɔ, chɛ ma, kain gbɛ ɔ, chɛ ma, senɛ ɔ. Mɔ gbu wandi 'a yiinachii, a‑a miin nyan.