Popular Bible Verses from Mar 13

Share

Naabuî bûkathûûrwa nî antû bonthe nîûntû bwa riîtwa rîaakwa. Îndî ûrîa ûkoomîîria mwanka mûthia nîwe ûkoonokua.”

Kareeni bwithuranîrîte na bûkámama nîkwîthîrwa bûtiijî rîrîa îgiita rîu rîgaakinya.

Rîrîa bakabûgwata na babwikie kotini, bûkaithangîkieni bûkîthûgaanagia ûrîa bûkauga. Îgiita rîu rîakinya, arieni jarîa jakauma kanyueene keenu nîûntû tî buî bûkeethîrwa bûkîaragia îndî nî Roho Ûmûtheru.

Îgûrû na nthî bikathira, îndî nteto ciaakwa itîkorothira.

“Îndî gûtî muntû wiijî ntukû kana thaa; araîka ba îgûrû na kinya Mûtaana batiijî; nî Baaba wenka wiijî.

Rîrîa bûkaigua ndwaa kana bûigue antû bakîarîa na bioe bakiugaga kûrî na ndwaa, bûkámaka. Mantû jau noo mwanka jakarîke, îndî mûthiro jwa nthîgûrû jûtîrakinya.

Tontû bûû, kareni bwigarîrîtie nîûntû bûtîkûmenya rîrîa mwene nyomba akeeja; oomba kwîja ûgoro kana ûtukû gatîgatî kana ngûkû îkîgamba kana rûkîîrî. Kareni bûtîmami atîkeeje ntûti abwîthîra bûmami. Jarîa nkûbwîra, nî bonthe nkwîra. Kareni bwîgarîrîtie!”

Nthîgûrû îkarwaa na nthîgûrû îngî na ûnene bûrwee na bûngî. Gûntû gûkwingî gûkeethîrwa kûrî na kwinaina kwa nthîgûrû na mpara înene. Mantû jau nî mwambîrîrio jwa mantû. Jakeethîrwa jakari ta mûrimo jûrîa mûka aigagua mbere ya kûewa mwana.

Mbere ya mûthiro jûkinya no mwanka Nteto Injega cia Mûrungu itûmîîrue nthîgûrûûne cionthe.

Antû babaingî bakeeja bakîgwetaga riîtwa rîaakwa bakiugaga, ‘Nî ni we!’ Nabo bakaîria antû babaingî.

“Îndî buî imenyeereni nîkwîthîrwa antû bakabûgwata na babwikie kotini. Ningî bûkaûûrwa bûrî iromberoone. Bûgaikua kîrî athani na anene nîûntû bwaakwa nîkenda bûnkûjîîra kîrî bo.

Nîkwîthîrwa Mesia ba ûrongo na iroria bia ûrongo bikairita na biringe biama na mantû ja kûrigaria nîkenda këethîra kwombîka baatithia barîa Mûrungu athuurîte njîra.

“Nyuma ya mîthangîko yaathira, riûa rîkagîa muundu na mweri jûtige kûthaara. Njota ikagûjaga ikiumaga îgûrû, na mainya ja îgûrû jakainainua.