Popular Bible Verses from Mat 5

Share

Ningî antû batîgwatagia taawa na bamîkunîkîra, îndî bamîîkaga arîa îkamûrîkîra bonthe barîa barî nyomba. Ûu nîu weerû bweenu bûbuîrîte kûthaarîra antû, nîkenda boona mathithio jeenu jameega na bakumia Abaagu weenu ûrîa ûrî îgûrû.”

“Buî bûrî weerû bwa nthîgûrû. Ntûûra îrîa yaaki kîrîmeene îtîumba kwithwa.

Kîtharimo nî kîrî barîa barî babatheru nkoroone, nîkwîthîrwa bakoona Mûrungu.

Kîtharimo nî kîrî barîa barî na mpara na nyoonta ya kûthithia mantû jarîa jagîrîte, nîkwîthîrwa Mûrungu akabanyiria.

Îndî ni ndîbwîra, endageni anthû beenu, na bûrombagîre barîa babûthangîkagia

“Kîtharimo nî kîrî barîa barî na ûbatu bwa mantû ja Roho, nîkwîthîrwa ûnene bwa îgûrû nî bwaao.

Kîtharimo nî kîrî barîa bacwaga thîîrî, nîkwîthîrwa Mûrungu akabeeta aana baawe.

Kîtharimo nî kîrî barîa barî na kîeba, nîkwîthîrwa Mûrungu akababoreria.

Kîtharimo nî kîrî barîa bathaangîkagua nîûntû nî babaagîru, nîkwîthîrwa ûnene bwa îgûrû nî bwaao.

Kîtharimo nî kîrî barîa baigagîîrua bangî kîaao, nîkwîthîrwa Mûrungu akabaigîîrua kîaao.

“Kîtharimo nî kîrî buî rîrîa antû bakabûruma na babûthaangîkie na baarie mantû jamathûûku jabwegiî nîûntû bwaakwa. Gwîrueni na bûkene nîûntû bûrî na îtuui rîrînene îgûrû. Nîkwîthîrwa ûu nîu baathangîkîrie iroria birîa biaarî o mbere yeenu.”

Kîtharimo nî kîrî antû barîa bainyiagia, nîkwîthîrwa bakaewa nthîgûrû îrî rûgai rwaao.

“Buî bûrî chumbî ya nthîgûrû. Îndî chumbî îkaaga mûchemo, yûûmba gwîkîrwa mûchemo kaîrî atîa? Îtîûmba gûtumîrwa kaîrî, nîka îgaatewa na îkinyangwe nî antû.

Tontû bûû, eeni babaagîru o ta ûrîa Abaagu weenu ûrîa ûrî îgûrû arî ûmwagîru.”

Rwarieene rweenu, wauga ‘Îî’ nî gûkare kûrî ‘Iî’ kana wauga ‘Arî’ nî gûkare kûrî ‘arî.’ Nîkwîthîrwa nkûrûki ya bûu bwîthagîrwa buumîte kîrî ûrîa Mûûî.”

“Nîbwigîtue nî kuugi, ‘Riitho kwa riitho, na îîgo kwa îîgo.’ Îndî ni ndîbwîra ûkairîîria wathithîrua mantû jamathûûku. Muntû akëeja gûkûringa rûthea rwa ûrîo, mûgarûkîrie kinya rûthea rûu rûngî.

Riitho rîaaku rîa ûrîo rîkëeja gûtûma wîîyia, rîkûûre ûrîte kûraaja. Nîkwîthîrwa nî kaaba ûtî na kîrûngo kîmwe kîa mwîrî jwaaku nkûrûki ya mwîrî jwaaku junthe jûgerwa mwankiine jwa kenya na kenya. Njara yaaku ya ûrîo îkëeja gûtûma wîîyia, mîgiite ûmîgere kûraaja. Nî kaaba ûkeethîrwa ûtî na kîrûngo kîmwe kîa mwîrî jwaaku, nkûrûki ya mwîrî jwaaku junthe jûgerwa mwankiine jwa kenya na kenya.”