Popular Bible Verses from Mat 12

Share

“Ndîbwîra na mma atî Ntukû ya Îgamba yakinya o muntû akoorua mantû jegiî nteto cia rûûgo irîa aaria. Nîkwîthîrwa nteto ciaaku nîcio igatûma ûtuîrwa atî ûrî ûmwega kana ûrî ûmûûî.”

Îbuî rûciara rwa njoka! Nîatîa bûûmba kwaria mantû jameega na bûrî babaaî? Nîkwîthîrwa o muntû aragia mantû jarîa jojûrîte nkoroone.

Muntû ûmwega aragia mantû jameega jaumîte kîrî wega bûrîa bûrî ndeene yaawe, na muntû ûmûûî aaragia mantû jamaaî jaumîte kîrî ûûî bûrîa bûrî ndeene yaawe.

Tontû bûû, ndîbwîra atî antû bakarekerwa meeyia jonthe, na kinya barîa barumaga Mûrungu bakarekerwa, îndî barîa barumaga Roho Ûmûtheru batîrekerwa.

“Mûtî jûkëethîrwa jûrî jûmwega, kinya maciara jaaju jeethagîrwa jarî jameega, îndî jûkëethîrwa jûrî jûmûûî, kinya maciara jaaju jethagîrwa jarî jamaaî. Mûtî jûmenyekanaga na maciara jaaju.