Popular Bible Verses from LUKA 8

Share

Vukuutsa vwakwa mulilova lilahi, navo vandu vahulilanga likhuva, vahaanda khulio nu mwoyo mulahi khandi kwi lisuuvila, mavikhutsila khutukha lwa vama matunda.

Vukuutsa vwakwa mu mavwa, navo vandu vahulilanga likhuva; navutswa khuheenda mwoyo nende miandu, ni likomba liu mu limenya liu mu shivala shinu litsulanga mu mioyo chiavo, ma lisuuvila liavo lionekha, khandi shivanyala khuhindila tawe.

Vukuutsa vwakwa mutsimbuyi, navo vandu vahulilanga likhuva; valinjilitsa nilisangala; navutswa shilinjilanga muvo mukari tawe; vasuuvilanga khumatukhu mati, navutswa lwa matukhu ka machelitso kitsanga valekhanga lisuuvila.

Yesu yavareeva, “Lisuuvila lienyu lili hena?” Veechi varia, nivachenya nivavoolelana vene khuvene, “Nu mundu shina uyu? Ahaananga malako khu tsimbuutsa nende maruundu, khali vimuhulila!”

Vukuutsa vwakwa khunjila, navo vandu vahulilanga likhuva; navutswa Ibilisi yitsanga khandi avanuula likhuva khurula mu mioyo chiavo, khuvikalila vavuli khusuuvila nu khuhonyinywa.

“Shindu shiosi shiaviswa shilitsa khuvikhwa havulavu; khandi shindu shiosi shia khunikhwa shilitsa khukhunulwa.

Lwa mukhali mwenoyo yalola ndi anyala khuvula khwivisa; yitsa natechelanga, nasikama ha vilenje ha Yesu namuvoolela havulavu imbeli wa vandu voosi shivune shichili namutiilakhu, khandi khuli yahonyinywa vwangu. Yesu yamuvoolela, “Mwana wi shikhana wanje, lisuuvila liolio limali khukhuhonyinya; simukha utsi mu milembe.”

Veechi vatsia khu Yesu manivamuvushitsa; vavoola, “Mwechitsi, Mwechitsi! Khuli himbi khukhutsa! Nalwo lwa Yesu yavukha, manakondeshela imbuutsa nende maruundu; viasinjila ma matsi nikasinjila.”