Popular Bible Verses from Marka 9

Share

Yesu aku ka yena: “Uli, ‘loko usvikota’? Hinkwasvu svakoteka ka lweyi apfumelaka.”

Tatana wa n'wana ahantla atlakusa rito, aku: “Napfumela! Nipfune kutiyisa vupfumeli bza mina.”

Kuteloko Yesu anghenile ndlwini, vajondzisiwa va yena vamuvutisa na vali tlhelweni vaku: “Xana hina hitsandzekile ha yini kuhlongola moya lowu ke?” Aku ka vona: “Arixaka leri ra moya wotanu arikoti kuhuma loko kungali hi kukhongela ntsena.”

“Munyu i xilo lexinandzihaka; kambe loko munyu wupshama, mitawupfuxeta ha yini ke? Vanani munyu ha n'wexe, mihanya hi kurhula ni van'wana.”

“Lweyi ayamukelaka mun'we wa vatsongwana lava hi vito ra mina, ayamukela mina; ni lweyi aniyamukelaka, angayamukeli mina ntsena, kambe ayamukela ni lweyi anirhumeke.”

Nitiyisile nili ka n'wina: Munhu lweyi aminyikaka ndzheko wa mati hi lesvi mivuliwaka va ka Kriste, angakala angapfumali hakelo ya yena.

“Lweyi akhunguvanyisaka mun'we wa lavatsongo lavapfumelaka ka mina, svingayampsa loko aboheleliwa ribze ra kusilela ka rona nhan'wini, ahoxiwa lwandle.

Ni loko tihlo ra wena rikukhunguvanyisa, rixokole; svingayampsa loko unghena Mfun'wini wa Xikwembu ufe tihlo rin'we, kutlula kuhoxiwa Tiheleni na uli ni mahlo mambirhi.