Popular Bible Verses from Yohani 21

Share

Kuteloko vafihlulile, Yesu aku ka Simoni Petrosi: “Simoni, n'wana Yohani, xana wanirhandza kutlula lava hinkwavu ke?” Aku ka yena: “Ina, Hosi, wa svitiva lesvaku nakurhandza.” Yesu aku ka yena: “Risa svinyempfana sva mina.” Atlhela ra vumbirhi aku ka yena: “Simoni, n'wana Yohani, xana wanirhandza ke?” Aku ka yena: “Ina, Hosi, wa svitiva lesvaku nakurhandza.” Yesu aku ka yena: “Hlayisa tinyempfu ta mina.” Atlhela ra vunharhu aku ka yena: “Simoni, n'wana Yohani, xana wanirhandza ke?” Petrosi akhomiwa hi gome, hi mhaka ya lesvi amuvutiseke ra vunharhu aku: “Xana wanirhandza ke?” Kutani aku ka yena: “Hosi, utiva hinkwasvu, wa svitiva lesvaku nakurhandza.” Yesu aku ka Petrosi: “Risa tinyempfu ta mina.

Nitiyisisile hakunene nili ka wena: Nkarhini lowu awahali lweyi mumpsha, awuyambala hi wexe, uya lomu ulavaka kuya kona; kambe loko utava ugugile, utatsandzavuta mavoko ya wena, kutani mun'wana atakuyambexa, akuyisa lomu ungalaviki kuya kona.”

Aku ka vona: “Hoxelani rikoka hi tlhelo ra xinene ra boti, mitaphasa.” Hi loko varihoxa, kutani vatsandzeka ni kurikoka hikolaho ka kutala ka tihlampfi.

Simoni Petrosi aku ka vona: “Niyarhiya tihlampfi.” Vaku ka yena: “Na hina hifamba na wena.” Kutani vasuka, vayanghena botini ra vona, kambe avaphasanga nchumu vusiku lebzo.